ەلباسى نۇرسۇلتان نازاربايەۆ قازاقستان  حالىققا ارناعان جولداۋىندا «ەلىمىزدىڭ جاڭا الەم كوشباسشىلارىنىڭ قاتارىنا قوسىلۋ ءۇشىن ءبىرىنشى مىندەت يندۋستريالاندىرۋ جاڭا تەحنولوگيالاردى ەنگىزۋدىڭ كوشباسشىسىنا اينالۋى ءتيىس» دەگەن بولاتىن. بۇل تاپسىرما تۇركىستان وبلىسىنداعى ءبىلىم بەرۋ سالاسىندا جوسپار تۇردە جۇزەگە اسىپ كەلەدى.



تۇركىستان وبلىسىندا بالالاردى مەكتەپكە ەلەكتروندى تۇردە قابىلداۋ جۇيەسىنىڭ ەڭگىزىلگەنىنە ءبىر جىلدان استى. ونداعى ماقسات –  بالالاردى مەكتەپكە ورنالاستىرۋدا اشىقتىقتى، ايقىندىقتى قامتاماسىز ەتە وتىرىپ، ادامي فاكتوردىڭ ورىن الۋىنا جول بەرمەۋ بولاتىن. بۇگىندە بۇل ماقساتقا تولىقتاي قول جەتكىزىلدى دەسەك بولادى. بىلتىرعى جىلى جاڭاشا جۇيەنىڭ كومەگىمەن قالا مەكتەپتەرىنىڭ 1-سىنىبىنا 21 945 وقۋشى قابىلدانسا، 23 395 ءبۇلدىرشىن بالاباقشاعا بارۋعا مۇمكىندىك العان.

– سيفرلىق ءبىلىم بەرۋ رەسۋرستارىن دامىتۋ ارقىلى وقىتۋدىڭ مازمۇندىلىعىنا، سىبايلاس جەمقورىلىقتىڭ الدىن الۋعا باعىتتالعان جۇمىستارعا كوڭىل ءبولۋ ماسەلەسى دە قولعا الىندى. ايتالىق، مۇعالىمدەردى ىرىكتەۋدەگى اشىق كونكۋرس، وقۋشىلاردىڭ مەكتەپارالىق اۋىستىرۋ جانە جەكە ءىس-پاراعىن جۇرگىزۋ پروسەستەرى ەلەكتروندى تۇردە اتقارىلۋدا، – دەپ وبلىستىق ءبىلىم باسقارماسىنىڭ باسشىسى يساتاي ءومىرزاق ۇلى ويىن ورتاعا سالعان بولاتىن.

بۇل جۇيە مەكتەپتەردەگى وقۋ-تاربيە ىسىندە دە ءتيىمدى پايدالانىلۋدا. اتاپ ايتساق، قالاداعى 40 ءبىلىم ۇياسىنا ەلەكتروندى باسقارۋ اپپاراتتىق-باعدارلامالىق كەشەنى ەنگىزىلگەن. جاڭاشا جۇيە ورناتىلعان مەكتەپتەرگە جۇرگىزىلگەن تالداۋ جۇمىستارىنىڭ قورىتىندىسى بويىنشا الدىڭعى جىلدارمەن سالىستىرعاندا سوڭعى وقۋ جىلىندا ساباقتان سەبەپسىز قالۋ دەڭگەيى 75%-عا كەمىپ، وقۋشىلاردىڭ ۇلگەرىمى 12%-عا پايىزعا جوعارىلاعان.

ايتا كەتەيىك، جوبانىڭ ناتيجەسىندە، بالاباقشاعا جولداما الۋ، قىزمەتكە تۇرۋدا پارا تالاپ ەتۋ، بالالاردى مەكتەپكە ورنالاستىرۋدا تامىر-تانىستىققا جول بەرۋ تۋرالى نارازىلىق بىلدىرگەن قالا تۇرعىندارىنىڭ ارىز-شاعىمدار ايتارلىقتاي تومەندەگەن.

 

تۇركىستان وبلىسى اكىمىنىڭ باسپا ءسوز قىزمەتى