پرەمەر-مينيستر ولجاس بەكتەنوۆتٸڭ تٶراعالىعىمەن كٶكتەمگٸ دالا جۇمىستارىنىڭ جەنە ۆەگەتاتسييالىق كەزەڭنٸڭ بارىسى تالقىلانعان ٷكٸمەت وتىرىسى ٶتتٸ. قىزىلوردا وبلىسىنىڭ ەكٸمٸ نۇرلىبەك نەلٸباەۆ كٷن تەرتٸبٸندەگٸ مەسەلەلەر بويىنشا بايانداما جاسادى, دەپ حابارلايدى Dalanews.kz
«بيىل قىزىلوردا وبلىسىندا 193 700 گەكتارعا اۋىل شارۋاشىلىعى داقىلدارى ەگٸلەدٸ. ٷكٸمەتتٸڭ جول كارتاسىنا سەيكەس, كٷرٸش 80 900 گەكتارعا جوسپارلانعان, ٶتكەن جىلمەن سالىستىرعاندا 4700 گەكتارعا قىسقارتىلادى. شارۋاشىلىق قۇرىلىمدارى تۇقىممەن تولىق قامتاماسىز ەتٸلگەن, 4046 اۋىل شارۋاشىلىعى تەحنيكاسى جٶندەلگەن, 10 مىڭ توننا ديزەل كەستەگە سەيكەس وبلىسقا جەتكٸزٸلٸپ, تاراتىلۋدا. بٷگٸندە ەرتە ەگٸلەتٸن اۋىل شارۋاشىلىعى داقىلدارى ورنالاستىرىلىپ بولدى. كٷرٸش سەبۋ 21 سەۋٸر كٷنٸ باستالىپ, بٷگٸنگٸ كٷنٸ 37500 گەكتارى ەگٸلدٸ, 26700 گەكتارى سۋعا باستىرىلدى.
اۋا رايى ەرتە جىلىنۋىنا بايلانىستى كٷرٸش سەبۋ جۇمىستارى دا ەرتە باستالىپ, ەگٸستٸ سۋعا باستىرۋ ٷشٸن جوعارىدان كەلەتٸن سۋ كٶلەمٸ تٶمەندەۋ بولۋدا. سۋدى تيٸمدٸ پايدالانۋدا 357 ناسوس قوندىرعى دايىندالىپ, ونىڭ 53-ٸ جۇمىس جاساپ تۇر, قالعانى قاشىرتقىعا سۋ تاستالعان سوڭ سۋدى ەكٸنشٸ مەرتە پايدالانۋ ٷشٸن ٸسكە قوسىلادى. كٷرٸش القاپتارىن لازەرلٸك تەگٸستەۋ كٶلەمٸ 60 مىڭ گەكتارعا, ال سۋ ٷنەمدەۋ تەحنولوگييالارىن پايدالانۋ 9200 گەكتارعا جەتكٸزٸلەدٸ.
قويمالارعا جينالعان جەنە جوعارىدان كەلەتٸن سۋدىڭ بولجامىنا سەيكەس, بيىل 3 ملرد 902 ملن تەكشە مەتر سۋ ليميتٸ بەلگٸلەنگەن. مەملەكەتارالىق سۋ شارۋاشىلىعىن ٷيلەستٸرۋ كوميسسيياسىنىڭ وتىرىسىندا «شاردارا» سۋ قويماسىنا جوعارىدان قوسىمشا 3 ملرد 700 ملن تەكشە مەتر سۋ تٷسۋٸ بەلگٸلەندٸ. مامىر ايىندا سەكۋندىنا 330 تەكشە مەتر سۋ تٷسۋٸ جوسپارلانعانىمەن, بٷگٸندە 57,6 تەكشە مەتر نەمەسە جوسپارداعىنىڭ 17,4%-ى عانا تٷسۋدە. 12 مامىرداعى جاعداي بويىنشا «شاردارا» سۋ قويماسى مەن «كٶكساراي» سۋ رەتتەگٸشٸندەگٸ سۋ كٶلەمٸ 4 ملرد 821 ملن تەكشە مەتر, بۇل بىلتىرعىدان 700 ملن تەكشە مەترگە كەم.
ۆەگەتاتسييالىق كەزەڭدٸ تۇراقتى ٶتكٸزۋ ٷشٸن سىردارييا ٶزەنٸنٸڭ جوعارى اعىسىندا ورنالاسقان كٶرشٸ مەملەكەتتەرمەن كەلٸسسٶزدەر جٷرگٸزٸپ, «شاردارا» سۋ قويماسىنا جوعارىدان كەمٸندە 2,5 ملرد. تەكشە مەتر سۋ تٷسۋٸنە ىقپال جاساۋ جٶنٸندە تيٸستٸ مينيسترلٸكتەرگە ۇسىنىس بەرٸلدٸ. سٸزدٸڭ تاپسىرماڭىزعا سەيكەس, مينيسترلٸكتەرمەن بٸرگە تيٸستٸ جۇمىستار اتقارىلادى», – دەدٸ ايماق باسشىسى.
ٷكٸمەت وتىرىسىنان كەيٸن جاۋاپتى سالا باسشىلارىنىڭ مٸندەتتەرٸ ايقىندالعان جيىن ٶتتٸ.
«ورتالىق اتقارۋشى ورگاندار مەن ٶڭٸر ەكٸمدەرٸنە كٶكتەمگٸ ەگٸس جۇمىستارىن باقىلاۋعا الۋ تاپسىرىلدى. ٶڭٸرٸمٸزدەگٸ ەگٸن شارۋاشىلىعىنىڭ جايى سىردارييا ٶزەنٸندەگٸ سۋ دەڭگەيٸنە تٸكەلەي بايلانىستى. قازٸر سۋ رەسۋرستارىنىڭ تاپشىلىعى جاھاندىق مەسەلەگە اينالدى. پرەزيدەنتٸمٸز سۋدى نەعۇرلىم تيٸمدٸ پايدالانۋ, سۋ ٷنەمدەۋ تەحنولوگييالارىن كەڭٸنەن ەنگٸزۋ مەن تسيفرلاندىرۋعا باسا نازار اۋدارۋدا.
ەرتاراپتاندىرۋ – بٷگٸنگٸ كٷننٸڭ باستى تالابى. سوندىقتان سۋ تاپشىلىعى جاعدايىندا كٷرٸش كٶلەمٸن وڭتايلاندىرىپ, ٶزگە داقىلدار ەگٸسٸن ۇلعايتۋ – ماڭىزدى قادام. قالا, اۋدان ەكٸمدەرٸ, قازٸرگٸ قالىپتاسقان سۋ تاپشىلىعى جاعدايىندا كٷرٸشتەن باسقا داقىلدار كٶلەمٸن ارتتىرۋدا ناقتى شارالار قابىلداڭىزدار», – دەدٸ ن. نەلٸباەۆ.
باسقوسۋدا جەرگٸلٸكتٸ تۇرعىندارعا ٶز-ٶزٸن نەگٸزگٸ ازىق-تٷلٸك, باقشا ٶنٸمدەرٸمەن قامتاماسىز ەتۋ ٷشٸن قوسىمشا ەگٸستٸك جەر دايىنداپ بەرۋ جۇمىستارى دا پىسىقتالدى. بۇل باستامانى جۇرتشىلىق قولداپ, ەگٸستٸك جەرگە سۇرانىس ارتىپ كەلەدٸ. بيىل كارتوپ, كٶكٶنٸس, باقشا داقىلدارىن ەگۋگە 5 مىڭنان استام وتباسى نيەت بٸلدٸرگەن. ولارعا اۋىلداردان 3 300 گەكتار جەر دايىندالىپ, بٷگٸندە 900 گەكتارى ەگٸلدٸ. ايماق باسشىسى تۇرعىنداردى جۇمىسپەن قامتۋدى, ولارعا ەگٸن ەگۋگە, ٶنٸمدەرٸن ساتۋعا بارىنشا مٷمكٸندٸك جاساۋدى تاپسىردى.
مەجٸلٸستە سۋ ايدىندارىندا تۇرعىنداردىڭ, ەسٸرەسە بالالاردىڭ قاۋٸپسٸزدٸگٸن ساقتاۋعا قاتىستى تاپسىرمالار بەرٸلدٸ. قالا, اۋدان ەكٸمدٸكتەرٸنە جاعاجايلاردى تالاپقا سەيكەستەندٸرۋ جٷكتەلدٸ.
