كارانتيندە قامالىپ، كوپتەن بەرى كورىسپەگەن ءماسليحات دەپۋتاتتارى ارقا-جارقا، ءماز- مەيرام. قۇشاقتاسىپ سۇيىسپەسە دە، ارا قاشىقتىق ساقتاپ، جۇدىرىق سوعىستىرىپ، اماندىق ءبىلىسىپ جاتتى. ەلوردانىڭ اتىنان سەناتقا بارۋعا ۇمىتتىلەرگە 20 ادام داۋىس بەردى. بۇل كىسىلەر "بىزگە ەشكىم قىسىم جاساعان جوق، جاساي دا المايدى" دەيدى.
قايىرلى تاۋكەن، نۇر-سۇلتان قالالىق ءماسليحاتىنىڭ دەپۋتاتى:
"ءماسليحات دەپۋتاتى ءوز ەركىمەن كىمدى قالايدى سول ادامعا ءوز ەركىمەن داۋىس بەرەدى. تاپسىرما بەرۋى مۇمكىن ەمەس. ءبىز ەرىكتى دەپۋتاتتارمىز عوي".
كەيىنگى ۋاقىتتا قوعامدا قوس پالاتالى پارلامەنتتىڭ قاجەتى قانشا دەگەن سۇراق كوپتەپ تالقىلانۋدا. ميراس شەكەنوۆ "ويباي-اۋ، ونىڭ ورنى بولەك" دەگەن پىكىردە.
ميراس شاكەنوۆ، نۇر-سۇلتان قالالىق ءماسليحاتىنىڭ دەپۋتاتى:
"مەن قوس پالاتالى جۇيەنى قولدايمىن. نەگە دەيسىزدەر عوي؟ ءماجىلىس پەن ونىڭ دەپۋتاتتارىنا سىيلاستىقپەن قارايمىن، ءبىراق بيلىك جۇيەسىندە بەلگىلى ءبىر بالانس بولۋى كەرەك. بۇل كەز كەلگەن بيلىك ساتىسىنا قاتىستى ماسەلە. پارلامەنتكە كەلەتىن بولساق، جوعارى پالاتا مىندەتتى تۇردە كەرەك دەپ ەسەپتەيمىن".
انە-مىنە دەگەنشە جاشىك اشىلىپ، كابينالارعا ءماسليحاتتىقتار بىرىنەن سوڭ ءبىرى كىرىپ، جاسىرىن تۇردە داۋىس بەرە باستادى. سايلاۋشىلاردىڭ قاتارىندا ۇمىتكەر اقىلبەك كۇرىشبايەۆ تا بار. كەزىندە اۋىل شارۋشىلىعى ءمينيسترى بولعان، كەيىنگى قىزمەتى رەكتور. كىمگە داۋىس بەردىڭىز دەپ سۇرامادىق. اقىرى كوميسسيا مۇشەلەرى بيۋللەتەندەردى ساناي باستادى.
وسىلايشا ەڭ كوپ داۋىس جيناپ، استانا اتىنان اقىلبەك كۇرىشبايەۆ سەناتقا جولداما الدى. اۋەل باستا نەگىزگى كانديدات وسى كىسى، قالعان ەكەۋى سايلاۋدىڭ ءسانىن كىرگىزەر ءسانديدات بولعان سياقتى. سۋ جاڭا سەناتور بيۋللەتەندەر سانالىپ جاتقاندا ءازىربايجان ەلشىسىمەن اڭگىمەلەسىپ تۇردى. جۇزىندە الاڭداۋشىلىق جوق.
اقىلبەك كۇرىشبايەۆ، سۋ جاڭا سەناتور:
"يا جە نە موگۋ كاك مولودوي چەلوۆەك پرىگات. يا تەم بولەە ۆ ماسكە ناحوجۋس. منە كونەچنو بىلو پرياتنو. يا جدال ەتوگو مومەنتا".
وسى ءساتتى كۇتتىم دەگەن اقىلبەك كۇرىشبايەۆ جاڭا قىزمەتكە دايىن ەكەن. ءبىرىنشى كۇننەن باستاپ قۇلشىنا كىرىسپەكشى. اتقارۋشى بيلىكتىڭ قازىرگى جۇمىسى كوڭىلىنەن شىقپايتىنىن دا ايتىپ قالدى.
اقىلبەك كۇرىشبايەۆ، سۋ جاڭا سەناتور:
"سەناتتىڭ باسشىلارى شەشەدى. ءبىراق، مەنىڭ ۇسىنىسىم اگرارلىق، عالىم رەتىندە وسى سالانىڭ مامانى رەتىندە اگرارلىق سالاعا بارعىم كەلەدى. مەنىڭشە، بىزگە ءقازىر ەڭ كەرەگى مىنا مەملەكەتتىك قىزمەتتى كۇشەيتۋىمىز كەرەك. مەملەكەتتىك باسقارۋ جۇيەنى كۇشەيتۋىمىز كەرەك. ال ەگەر پارلامەنتىمىزدى مىقتى، ىقپالدى بولسا ۇكىمەت تە وزگەرەدى. سوعان جۇمىس ىستەۋىمىز كەرەك".
قازىرگى مەملەكەتتىك باسقارۋ جۇيەسىنە كوڭىڭىز تولماي ما؟
"تولمايدى، تولمايدى".
سەنات دەپۋتاتتارىن سايلاۋ 14 وبلىستا جانە رەسپۋبليكالىق ماڭىزى بار 3 قالادا ءوتتى. سەناتتاعى 17 ورىنعا وتەتىندەردى ەل بويىنشا 3069 ءماسليحات دەپۋتاتى انىقتادى. وڭىرلەردەگى شارانىڭ ءوتۋى بارىسىنا قاتىستى سيپاتتاما دا ورتاق.
ەرلان تاتيموۆ، اقتوبە قالالىق ءماسليحاتىنىڭ دەپۋتاتى:
"داۋىس بەردىك. جالپى وتكىزگەن ءىس-شارا جوعارى دارەجەدە. ۇيىمداستىرۋعا دا، ۇيىمداستىرۋشىلارعا دا العىسىمىز زور".
جۇمامۇرات ءشامشى، قوعام بەلسەندىسى:
"بىزدە بىردەن ەشكىم تانىمايتىن ادامدى قونجيتادى سەناتور قىلىپ. ول ەشتەڭەدەن حابارى جوق. ول قايدان كەلگەن ادام. ءبىز تانىمايمىز".
سەناتقا وتكەندەردىڭ ءاتى-جونىن كوپشىلىك بىلمەسە دە، قازىرگى قىزمەتتەرى ولاردىڭ بەدەلى تۋرالى ايتىپ تۇر دەيدى قوعام بەلسەندىسى. مىسالى، نۇر-سۇلتاننان سايلانعان كۇرىشبايەۆ رەكتور، الماتىدان وتكەن ماكەجانوۆ اۋدان اكىمى، شىمكەنتتە جەڭگەن قاپباروۆا تاعى دا سەناتور اتاندى. اقتوبە، شىعىس، سولتۇستىك، باتىس، تۇركىستان وبلىستارى. قاي ءوڭىردى الساڭ دا باعى جانعانداردىڭ دەنى نە اكىم، نە رەكتور، نە بيزنەسمەن.
ال ساياساتتانۋشى قازىبەك مايگەلدينوۆ بۇل ساياسي رەفورماعا كەرى اسەر ەتەدى دەيدى. ورتاق تانىستى ۇمىتكەر ەتىپ، جوعارى پالاتاعا سايلاعاننان ەشتەڭە وزگەرمەيتىنىن ايتادى.
قازىبەك مايگەلدينوۆ، ساياساتتانۋشى:
"ءماسليحاتتىڭ نەگىزگى قۇرامى وزگەرمەگەن. سول باياعى ءماسليحات. سول باياعى ەشكىمگە بەلگىسىز دەپۋتاتتار. جانە ولاردىڭ قازىرگى تاڭدا ءوز قاتارىنان شىعارىپ وتىرعان كانديتاتتارى سولاردىڭ قاتارىندا جۇرگەن ادامدار. ەشقانداي جاڭاشىلدىق جوق. ال ۇستىنەن وزگەرىس جاساماي، استىنان وزگەرىس جاساعاننان كەيىن كەيىننەن سەنات ءماجىلىس پەن ءماسليحات سايلاۋى وتكەننەن كەيىن تاعى دا 5 جىل، ەكىنشى سروكقا سايلانۋعا قۇقىقتارى بار سەناتورلاردىڭ".
بۇل ەندى الداعى كۇننىڭ ءىسى. وسى جولى سەناتورلار ەسكى ادىسپەن سايلاندى. ال ولاردىڭ قانشالىقتى بەلسەنىپ، حالىققا قىزمەت ەتەتىنىن الداعى ۋاقىت كورسەتەر.
https://www.youtube.com/watch؟time_continue=173&v=7x-eqSA4Log&feature=emb_title
