ٸ. جانسٷگٸروۆ اتىنداعى جەتٸسۋ ۋنيۆەرسيتەتٸندە 1-كۋرس ستۋدەنتتەرٸنە ارنالعان «بولاشاققا بٸرگە قادام» اتتى قابىلداۋ جيىنى ٶتتٸ. جاڭا وقۋ جىلىنىڭ باستالۋىنا ارنالعان شارا ستۋدەنتتٸك ٶمٸرگە العاش قادام باسقان جاستارعا ەرەكشە كٶڭٸل كٷي سىيلادى. بيىلعى وقۋ جىلىندا جەتٸسۋ ۋنيۆەرسيتەتٸنە باكالاۆريات, ماگيستراتۋرا, دوكتورانتۋرا باعدارلامالارى بويىنشا 2019 بٸلٸم الۋشى قابىلداندى. جيىنعا ۋنيۆەرسيتەت باسشىلىعى, وقىتۋشى-پروفەسسورلار قۇرامى, اتا-انالار مەن ستۋدەنتتەر قاتىستى, دەپ حابارلايدى dalanews.kz.
شارا بارىسىندا بٸلٸم ورداسىنىڭ تابالدىرىعىن العاش اتتاعان جاس بٸلٸمگەرلەرگە ارداگەر ۇستازدار باتا بەرٸپ, ستۋدەنتتٸك ٶمٸردٸڭ جاڭا مٷمكٸندٸكتەرٸ مەن جاۋاپكەرشٸلٸگٸ تۋرالى ايتتى. جيىندا سٶز العان ٸ. جانسٷگٸروۆ اتىنداعى جەتٸسۋ ۋنيۆەرسيتەتٸنٸڭ رەكتورى, پروفەسسور ەرمەك بٶرٸباەۆ جاستاردى جاڭا وقۋ جىلىنىڭ باستالۋىمەن قۇتتىقتاپ, بٸلٸم مەن عىلىم جولىنداعى العاشقى قادامدارىنا سەتتٸلٸك تٸلەدٸ.
«بٷگٸن سٸزدەر ٷشٸن ەرەكشە كٷن. ۋنيۆەرسيتەت تابالدىرىعىن العاش اتتاپ, ٷلكەن بٸلٸم ورداسىنىڭ ستۋدەنتٸ اتاندىڭىزدار. الدارىڭىزدا بٸلٸم الۋعا, ٶز قابٸلەتتەرٸڭٸزدٸ دامىتۋعا, جاڭا دوستار تاۋىپ, بولاشاق مامان رەتٸندە قالىپتاسۋعا مول مٷمكٸندٸك تۇر. جەتٸسۋ ۋنيۆەرسيتەتٸ سٸزدەردٸڭ ساپالى بٸلٸم الىپ قانا قويماي, تۇلعا رەتٸندە قالىپتاسۋلارىڭىزعا بارلىق جاعداي جاساۋعا ۇمتىلادى. ەر جاس ٶزٸن دامىتۋعا, عىلىمي جەنە شىعارماشىلىق جوبالارعا قاتىسۋعا, قوعامدىق ٶمٸرگە بەلسەندٸ ارالاسۋعا زور مٷمكٸندٸك الادى. بٸز سٸزدەردەن ٸزدەنٸس, جاۋاپكەرشٸلٸك جەنە بەلسەندٸلٸك كٷتەمٸز. ۋنيۆەرسيتەتتٸڭ جەتٸستٸگٸن ەسەلەيتٸن, ەل بولاشاعىنا قىزمەت ەتەتٸن بٸلٸكتٸ مامان بولىڭىزدار. ستۋدەنتتٸك جىلدارىڭىز جارقىن جەتٸستٸكتەرگە تولى بولسىن!» – دەدٸ رەكتور.
شارا بارىسىندا 1-كۋرس ستۋدەنتتەرٸنە ۋنيۆەرسيتەتتٸڭ ٸشكٸ تەرتٸبٸ, بٸلٸم بەرۋ مٷمكٸندٸكتەرٸ, ستۋدەنتتٸك ۇيىمدار مەن جاستار باستامالارى جٶنٸندە اقپارات بەرٸلدٸ.
«بولاشاققا بٸرگە قادام» اتتى قابىلداۋ جيىنى شاعىن كونتسەرتتٸك باعدارلاماعا ۇلاسىپ, جاس بٸلٸم الۋشىلارعا كٶتەرٸڭكٸ كٶڭٸل كٷي سىيلادى.
