تٷركييانىڭ باتىسىندا سوڭعى ەكٸ تەۋلٸكتە قاتارىنان ەكٸ كٷشتٸ جەر سٸلكٸنٸسٸ بولدى. سوڭعىسى — بالىكەسير پروۆينتسيياسىندا تٸركەلدٸ, دەپ حابارلايدى Dalanews.kz. ريا نوۆوستي اگەنتتٸگٸنە سٸلتەمە جاساپ.
تٷركييا دەنساۋلىق ساقتاۋ مينيسترلٸگٸنٸڭ دەرەكتەرٸ بويىنشا, جەر سٸلكٸنٸسٸنەن جالپى 19 ادام زارداپ شەككەن. ولار جەر سٸلكٸنٸسٸ كەزٸندە قۇلاۋ نەمەسە تەرەزەدەن سەكٸرۋ سالدارىنان جاراقات العان. تٶرت زارداپ شەككەن ادامدى اۋرۋحانادان شىعاردى.
«بارلىق زارداپ شەككەندەرٸمٸز ٶزدەرٸن جاقسى سەزٸنٸپ, بٸزدٸڭ اۋرۋحانالارىمىزدا ەمٸن جالعاستىرۋدا. ولارعا تەزٸرەك ساۋىعىپ كەتۋلەرٸن تٸلەيمٸن», — دەدٸ دەنساۋلىق ساقتاۋ مينيسترٸ.
سونىمەن قاتار, ستامبۋل ماڭىنداعى گەبزە قالاسىندا كٶپقاباتتى ٷي قۇلادى. تٷرٸك باق-تارىنىڭ حابارلاۋىنشا, ٷيٸندٸ استىندا ادامدار بار. قازٸرگٸ ۋاقىتتا وقيعا ورنىندا ٸزدەستٸرۋ-قۇتقارۋ جۇمىستارى جٷرگٸزٸلۋدە.
A-Haber مەلٸمەتٸنشە, بەس قاباتتى عيمارات قۇلاعان. وقيعا ورنىنا كٶپتەگەن قۇتقارۋ بريگادالارى جٸبەرٸلگەن. ٷيٸندٸ استىندا ادامدار قالىپ قويعانى تۋرالى حابارلار تٷسۋدە جەنە ٸزدەستٸرۋ جۇمىستارى باستالعان.
NTV تەلەارناسىنىڭ دەرەگٸنشە, ٷيٸندٸ استىندا شامامەن 7 ادام بولۋى مٷمكٸن.
ٶرت سٶندٸرۋشٸلەر, تٶتەنشە جاعدايلار جەنە اپات سالدارىن جويۋ باسقارماسى (AFAD) جەنە ٸزدەستٸرۋ-قۇتقارۋ بٶلٸمشەلەرٸ قۇلاعان عيمارات استىنان قۇتقارۋ وپەراتسيياسىن باستاعان. قۇتقارۋشىلار قازٸر ٷيٸندٸلەردٸ تازالاپ جاتىر.
