ەلەۋمەتتٸك جەلٸلەردە پوليتسييا قىزمەتكەرلەرٸنٸڭ تۇرعىن ەيەلگە ٷيٸنٸڭ ماڭىنداعى شابىلماعان شٶپ ٷشٸن ايىپپۇل سالىپ جاتقان ۆيدەوسى قىزۋ تالقىلانىپ جاتىر, دەپ حابارلايدى dalanews.kz.
ۆيدەودا تەرتٸپ ساقشىلارى ٷي اۋماعىن ۋاقىتىلى رەتكە كەلتٸرٸپ, شٶپتٸ تۇراقتى تٷردە شاۋىپ وتىرۋ قاجەت ەكەنٸن تٷسٸندٸرەدٸ. ولاردىڭ ايتۋىنشا, بۇل تالاپ ورىندالماعان جاعدايدا ايىپپۇل مٶلشەرٸ 64 مىڭ تەڭگەگە دەيٸن جەتۋٸ مٷمكٸن.
الايدا تۇرعىن ەيەل مۇنداي شەشٸممەن كەلٸسپەيتٸنٸن ايتتى. ونىڭ سٶزٸنشە, اۋماقتى ٷنەمٸ تازالاپ وتىرادى, بٸراق جاۋىن-شاشىننان كەيٸن شٶپ ٶتە جىلدام ٶسەتٸندٸكتەن, ونى كٷن سايىن شابۋ مٷمكٸن ەمەس.
«بٸردە باقباقتاردى شاپپاڭدار دەيسٸڭدەر, ايىپپۇل سالاسىڭدار, ەندٸ باقباقپەن بٸرگە ٶسكەن شٶپتٸ شابىڭدار دەيسٸڭدەر. ٶزدەرٸڭ بٸر شەشٸمگە كەلٸڭدەر», – دەيدٸ ۆيدەو اۆتورى.
جەلٸدە تاراعان كادرلار قازاقستاندىقتاردىڭ قىزۋ پٸكٸرتالاسىن تۋدىردى. كٶپشٸلٸك مۇنداي ايىپپۇلدىڭ قانشالىقتى نەگٸزدٸ ەكەنٸنە كٷمەن كەلتٸرٸپ, تۇرعىنداردىڭ اۋلاسىن كٷتٸپ ۇستاۋ مٸندەتٸ مەن تابيعي تٷردە ٶسەتٸن شٶپكە قاتىستى تالاپتاردىڭ ارا-جٸگٸن تالقىلاپ جاتىر.
تەرتٸپ ساقشىلارى ەزٸرگە بۇل جاعدايعا قاتىستى پٸكٸر بٸلدٸرگەن جوق.
