Áleýmettik jelilerde politsiia qyzmetkerleriniń turǵyn áielge úiiniń mańyndaǵy shabylmaǵan shóp úshin aiyppul salyp jatqan videosy qyzý talqylanyp jatyr, dep habarlaidy dalanews.kz.
Videoda tártip saqshylary úi aýmaǵyn ýaqytyly retke keltirip, shópti turaqty túrde shaýyp otyrý qajet ekenin túsindiredi. Olardyń aitýynsha, bul talap oryndalmaǵan jaǵdaida aiyppul mólsheri 64 myń teńgege deiin jetýi múmkin.
Alaida turǵyn áiel mundai sheshimmen kelispeitinin aitty. Onyń sózinshe, aýmaqty únemi tazalap otyrady, biraq jaýyn-shashynnan keiin shóp óte jyldam ósetindikten, ony kún saiyn shabý múmkin emes.
«Birde baqbaqtardy shappańdar deisińder, aiyppul salasyńdar, endi baqbaqpen birge ósken shópti shabyńdar deisińder. Ózderiń bir sheshimge kelińder», – deidi video avtory.
Jelide taraǵan kadrlar qazaqstandyqtardyń qyzý pikirtalasyn týdyrdy. Kópshilik mundai aiyppuldyń qanshalyqty negizdi ekenine kúmán keltirip, turǵyndardyń aýlasyn kútip ustaý mindeti men tabiǵi túrde ósetin shópke qatysty talaptardyń ara-jigin talqylap jatyr.
Tártip saqshylary ázirge bul jaǵdaiǵa qatysty pikir bildirgen joq.
