شىعىس قازاقستان وبلىسىندا جىل باسىنان بەرٸ قوس ازاماتتىققا قاتىستى زاڭ تالاپتارىن بۇزعان ونداعان دەرەك انىقتالدى. سوت شەشٸمٸمەن شەتەل ازاماتتىعىن العان 6 ادام قازاقستان اۋماعىنان شىعارىلدى, دەپ حابارلايدى dalanews.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, بيىل 450-دەن استام ادام قازاقستان رەسپۋبليكاسىنىڭ ازاماتتىعىنان ايىرىلعان. ولاردىڭ باسىم بٶلٸگٸ كٶرشٸ مەملەكەتتٸڭ ازاماتتىعىن العان.
زاڭ تالاپتارىن ساقتاماعانى ٷشٸن 31 ادام ەكٸمشٸلٸك جاۋاپكەرشٸلٸككە تارتىلدى. ونىڭ ٸشٸندە 24 ازامات شەتەل ازاماتتىعىن العانى تۋرالى ٸشكٸ ٸستەر ورگاندارىنا ۋاقىتىلى حابارلاماعان. ال 7 ادام قازاقستان ازاماتتىعىنان ايىرىلعانىنا قاراماستان, ەلدٸڭ جەكە باسىن كۋەلاندىراتىن قۇجاتتارىن زاڭسىز پايدالانعان. وسى قۇقىق بۇزۋشىلىقتارعا بايلانىستى سوتتىڭ شەشٸمٸمەن 6 شەتەل ازاماتى قازاقستان اۋماعىنان شىعارىلدى.
انىقتالعان جاعدايلاردىڭ بٸرٸ ٶسكەمەن قالاسىنىڭ 43 جاستاعى تۇرعىنىنا قاتىستى بولدى. ول 2024 جىلدىڭ قازان ايىندا باسقا مەملەكەتتٸڭ ازاماتتىعىن العانىمەن, زاڭدا بەلگٸلەنگەن مەرزٸمدە بۇل تۋرالى ٸشكٸ ٸستەر ورگاندارىنا حابارلاماعان. سونىڭ سالدارىنان قازاقستان ازاماتتىعىنان ايىرىلىپ, قۇجاتتارى تەركٸلەندٸ.
پوليتسييا دەپارتامەنتٸ ازاماتتارعا ٶزگە ەلدٸڭ ازاماتتىعىن العان جاعدايدا 30 كٷن ٸشٸندە بۇل تۋرالى ٸشكٸ ٸستەر ورگاندارىنا حابارلاپ, قازاقستان رەسپۋبليكاسىنىڭ ازاماتتىعىن راستايتىن قۇجاتتاردى تاپسىرۋ مٸندەتتٸ ەكەنٸن ەسكە سالدى. ۆەدومستۆونىڭ مەلٸمەتٸنشە, بۇل تالاپتى ورىنداماعاندارعا ەكٸمشٸلٸك جاۋاپكەرشٸلٸك كٶزدەلگەن.
