سولتٷستٸك قازاقستان وبلىسىندا پوليتسيياداعى جەمقورلىق ٸسٸ بويىنشا ٷكٸم شىقتى. پەتروپاۆل قالالىق سوتى بۇرىنعى مايور ەربولات قاپتاەۆتى بٸرنەشە رەت پارا العانى ٷشٸن كٸنەلٸ دەپ تاپتى, دەپ حابارلايدى Dalanews.kz.
Ratel.kz مەلٸمەتٸنشە, سوت قاپتاەۆتىڭ رەتسيديۆيست رۋسلان ناگۋمانوۆپەن بايلانىستا بولعانىن, ودان سىيلىقتار مەن قىزمەتتەر العانىن انىقتادى: تەلەفون, اۆتوكٶلٸك جالداۋ, شوتتاردى تٶلەۋ. الايدا ايىپتالۋشى مۇنىڭ بەرٸن تەك جەدەل جۇمىس اياسىنداعى قاتىناس دەپ تٷسٸندٸرگەن.
سۋديا قورعاۋ تاراپىنىڭ بۇل ۋەجٸن جوققا شىعاردى.
"ناگۋمانوۆ تەلەفوندى ساعات 14:00-دە ساتىپ العان, ال 14:27-دە ونى قاپتاەۆقا بەرگەن. بۇل جەدەل شارانىڭ بٶلٸگٸ بولا المايدى", – دەلٸنگەن ٷكٸمدە.
ايىپتاۋ تاراپىنان كۋەگەرلەردٸڭ ايعاقتارى, تەلەفون ەڭگٸمەلەرٸنٸڭ ستەنوگراممالارى, حات الماسۋلار جەنە جاسىرىن تەرگەۋ ەرەكەتتەرٸنٸڭ ماتەريالدارى دەلەل رەتٸندە ۇسىنىلدى. پروكۋرور بۇرىنعى پوليتسەيگە 9 جىل باس بوستاندىعىنان ايىرۋ جازاسىن سۇراعان.
قورعاۋشىلار كەرٸسٸنشە, دەلەلدەردٸ جەدەل جۇمىستىڭ ەرەكشەلٸگٸ تۇرعىسىنان باعالاۋ كەرەك ەكەنٸن ايتىپ, پروتسەستٸ جابىق ٶتكٸزۋدٸ سۇراعان, بٸراق ٶتٸنٸش قاناعاتتاندىرىلمادى.
بۇل رەتتە ناگۋمانوۆتىڭ كەيبٸر ايعاقتارى داۋلى بولدى. ول ولاردى قىسىممەن جەنە جازانى جەڭٸلدەتۋگە ۋەدە بەرگەن سوڭ بەرگەنٸن ايتقان. بٸراق سوت دەلەلدەردٸڭ جيىنتىعىن جەتكٸلٸكتٸ دەپ سانادى.
نەتيجەسٸندە ەربولات قاپتاەۆقا ورتاشا قاۋٸپسٸزدٸك مەكەمەسٸندە 8 جىل باس بوستاندىعىنان ايىرۋ جازاسى تاعايىندالدى. سونىمەن بٸرگە سوت ونى پوليتسييا مايورى شەنٸنەن ايىردى, مٷلكٸن تەركٸلەۋدٸ جەنە مەملەكەتتٸك قىزمەتتە ٶمٸر بويى قىزمەت ەتۋگە تىيىم سالۋدى بەكٸتتٸ.
ٷكٸم زاڭدى كٷشٸنە ەنگەن جوق. قورعاۋ تاراپى اپەللياتسيياعا بەرەتٸنٸن مەلٸمدەدٸ.
قاپتاەۆتىڭ ٸسٸمەن قاتار سوتتا ناگۋمانوۆقا قاتىستى الاياقتىق پەن بۇزاقىلىق دەرەكتەرٸ بويىنشا دا ٸس قارالدى. سوت القاسى وعان شىعارىلعان ٷكٸمدٸ ٶزگەرٸسسٸز قالدىردى. ول الداعى 7 جىلىن قاتاڭ رەجيمدەگٸ كولونييادا ٶتكٸزەدٸ. بۇل جايت, كەيبٸر باقىلاۋشىلاردىڭ پٸكٸرٸنشە, ونىڭ ايعاقتارىن داۋلى ەتەدٸ.
قورعاۋشىلار قاپتاەۆقا قارسى ناگۋمانوۆتىڭ سٶزدەرٸ بٸرقاتار دەرەكتەرگە قايشى ەكەنٸن, قىسىم ارقىلى نەمەسە جازانى جەڭٸلدەتۋ ٷشٸن بەرٸلگەنٸن العا تارتتى. ادۆوكاتتاردىڭ پٸكٸرٸنشە, بۇل ايىپتاۋ اكتٸسٸنٸڭ مازمۇنىنا ىقپال ەتۋٸ مٷمكٸن ەدٸ.
