سولتٷستٸك قازاقستان وبلىسىندا مەملەكەتتٸك ساتىپ الۋ سالاسىندا بٸراقاتار زاڭبۇزۋشىلىق انىقتالدى, دەپ حابارلايدى Dalanews.kz.
قاداعالاۋ ورگانىنىڭ تالداۋ بارىسىندا شال اقىن اۋدانى ەكٸمٸنٸڭ اپپاراتىنىڭ لاۋازىمدى تۇلعالارى سوتتىڭ زاڭدى كٷشٸنە ەنگەن شەشٸمٸنە قاراماستان, جەتكٸزۋشٸنٸ ادال ەمەس قاتىسۋشىلار تٸزٸلٸمٸنە ەنگٸزۋ ٷشٸن تيٸستٸ دەرەكتەردٸ جولداماعانى بەلگٸلٸ بولدى.
"ۇقساس زاڭبۇزۋشىلىقتار اققايىڭ اۋدانىنىڭ تۇرعىن ٷي-كوممۋنالدىق شارۋاشىلىق بٶلٸمٸندە, مٷسٸرەپوۆ پەن ۋەليحانوۆ اۋداندارىنىڭ بٸلٸم بٶلٸمدەرٸندە, سونداي-اق اقجار, قىزىلجار, جۇماباەۆ, شال اقىن, ۋەليحانوۆ اۋداندارىنىڭ ەكٸمدٸكتەرٸندە جەنە اقجار مەن ۋەليحانوۆ اۋداندارىنىڭ مەديتسينالىق مەكەمەلەرٸندە, ونىڭ ٸشٸندە پسيحيكالىق دەنساۋلىق ورتالىعىندا انىقتالدى", – دەپ اتاپ ٶتتٸ پروكۋراتۋرا.
اتاپ ايتقاندا, تيميريازەۆ اۋدانىندا بٸلٸم بٶلٸمٸ بٸر جىل بويى ادال ەمەس جەتكٸزۋشٸ تۋرالى دەرەكتەردٸ ۋەكٸلەتتٸ ورگانعا جٸبەرۋ شارالارىن قابىلداماعان.
پروكۋرورلاردىڭ ارالاسۋىنان كەيٸن 15 لاۋازىمدى تۇلعا جاۋاپكەرشٸلٸككە تارتىلىپ, 26 ادال ەمەس جەتكٸزۋشٸ تيٸستٸ تٸزٸلٸمگە ەنگٸزٸلدٸ. بۇل ولاردىڭ الداعى ۋاقىتتا مەملەكەتتٸك ساتىپ الۋعا قاتىسۋىنا توسقاۋىل قويادى.
