Soltústik Qazaqstan oblysynda memlekettik satyp alý salasynda biraqatar zańbuzýshylyq anyqtaldy, dep habarlaidy Dalanews.kz.
Qadaǵalaý organynyń taldaý barysynda Shal aqyn aýdany ákiminiń apparatynyń laýazymdy tulǵalary sottyń zańdy kúshine engen sheshimine qaramastan, jetkizýshini adal emes qatysýshylar tizilimine engizý úshin tiisti derekterdi joldamaǵany belgili boldy.
"Uqsas zańbuzýshylyqtar Aqqaiyń aýdanynyń turǵyn úi-kommýnaldyq sharýashylyq bóliminde, Músirepov pen Ýálihanov aýdandarynyń bilim bólimderinde, sondai-aq Aqjar, Qyzyljar, Jumabaev, Shal aqyn, Ýálihanov aýdandarynyń ákimdikterinde jáne Aqjar men Ýálihanov aýdandarynyń meditsinalyq mekemelerinde, onyń ishinde Psihikalyq densaýlyq ortalyǵynda anyqtaldy", – dep atap ótti prokýratýra.
Atap aitqanda, Timiriazev aýdanynda bilim bólimi bir jyl boiy adal emes jetkizýshi týraly derekterdi ýákiletti organǵa jiberý sharalaryn qabyldamaǵan.
Prokýrorlardyń aralasýynan keiin 15 laýazymdy tulǵa jaýapkershilikke tartylyp, 26 adal emes jetkizýshi tiisti tizilimge engizildi. Bul olardyń aldaǵy ýaqytta memlekettik satyp alýǵa qatysýyna tosqaýyl qoiady.
