اباي كٷنٸنٸڭ نەگٸزگٸ شارالارىنىڭ بٸرٸ ٶسكەمەندەگٸ رەسپۋبليكا الاڭىنداعى حاكٸم ەسكەرتكٸشٸنٸڭ الدىندا ٶتتٸ. اقىننىڭ تۋعان كٷنٸنە وراي زييالى قاۋىم ٶكٸلدەرٸ, جەرگٸلٸكتٸ اتقارۋشى ورگانداردىڭ قىزمەتكەرلەرٸ, ٶنەر مايتالماندارى, اقىندار مەن جازۋشىلار جينالدى, دەپ حابارلايدى dalanews.kz.
اباي ٶز دەۋٸرٸنٸڭ شىندىعىن ايتىپ قانا قويعان جوق. ول ەلدٸڭ ەرتەڭٸن ويلاپ, ۇرپاقتىڭ قانداي بولۋى كەرەكتٸگٸن دە ايقىنداپ بەردٸ. شارادا وبلىس ەكٸمٸ نۇرىمبەت ساقتاعانوۆ اباي مۇراسىنىڭ ۋاقىت ٶتكەن سايىن ماڭىزى ارتا تٷسەتٸنٸن اتاپ ٶتتٸ.
– زامانالار اۋىسىپ, دٷنيە ديدارى كٷندە ٶزگەرسە دە, حالقىمىزدىڭ ابايعا دەگەن قۇرمەت سەزٸمٸ ەش كەمٸمەيدٸ, – دەدٸ ايماق باسشىسى.
نۇرىمبەت ساقتاعانوۆ ٶز سٶزٸندە مەملەكەت باسشىسى قاسىم-جومارت توقاەۆتىڭ ابايدى دەرٸپتەۋ ارقىلى ۇلتتىق سانانى نىعايتۋعا, ەل بٸرلٸگٸن بەكەمدەپ, قوعامنىڭ رۋحاني كەمەلدٸگٸن ارتتىرۋعا ەرەكشە مەن بەرٸپ وتىرعانىن اتاپ ٶتتٸ.
شىن مەنٸندە, اباي مۇراسى – ٶتكەننٸڭ عانا ەنشٸسٸ ەمەس. ونىڭ «بەس دۇشپاننان» بويدى اۋلاق سالىپ, «بەس اسىل ٸسكە» ۇمتىلۋعا شاقىرعان ويلارى بٷگٸن دە ٶزەكتٸلٸگٸن جوعالتقان جوق. وبلىس ەكٸمٸ بٷگٸنگٸ ۇرپاقتىڭ اباي مۇراسىنىڭ تٷپ-تامىرىنان نەر الىپ, رۋحاني ەلەمٸن بايىتا تٷسۋٸ ماڭىزدى ەكەنٸن ايتتى.
– تۋعان ەلٸن ابايشا سٷيٸپ, ابايشا كٷيسە, پايدانىڭ ەمەس, اردىڭ جٷگٸن كٶتەرسە, ىستىق قايرات, نۇرلى اقىل, جىلى جٷرەككە بوي الدىرسا, باعىندىرار شىڭى بيٸك بولادى, – دەدٸ نۇرىمبەت ساقتاعانوۆ.
ابايدىڭ ٶزٸ «ادامزاتتىڭ بەرٸن سٷي, باۋىرىم دەپ» دەپ ادام بالاسىن تاتۋلىق پەن ٸزگٸلٸككە ٷندەدٸ. ونىڭ شىعارمالارىنداعى ويدىڭ سالماعى دا وسىندا – جەكە ادامنىڭ كەمەلدٸگٸن ەلدٸڭ كەمەلدٸگٸمەن ساباقتاستىرا بٸلۋٸندە.
– ابايدى بٷكٸل ەلەمدە ۇلىقتاپ جاتسا دا, جەتكٸلٸكسٸز دەپ ويلايمىن. ٶيتكەنٸ ٶمٸرٸمٸز بەن تٸرشٸلٸگٸمٸزدٸ اباي ٶلەڭدەرٸ, شىعارمالارىنىڭ مازمۇنىنا سەيكەس تەربيەلەۋٸمٸز كەرەك. حاكٸمنٸڭ ٶلەڭدەرٸ العاش پولياك تٸلٸنە اۋدارىلدى. «نەگە بٸرٸنشٸ سول تٸلگە اۋدارىلدى?» دەپ ٶزٸمە سۇراق قويدىم. ولاردان «ۇرپاعىمىزدى اباي شىعارماشىلىعىمەن تەربيەلەسەك» دەگەن جاۋاپ الدىم. بٸزگە دە سونداي بەتبۇرىس كەرەك. اباي قازاقسىز, قازاق ابايسىز بولمايدى. تاعدىرىمىز حاكٸم ٷنٸنە جەنە «تولىق ادام» يدەياسىنا بايلانعان, – دەيدٸ س.امانجولوۆ اتىنداعى شقۋ پروفەسسورى سلەمبەك ورازالين.
حاكٸم ارمانداعان بٸلٸمدٸ, ەڭبەكقور, بٸرلٸگٸ بەكەم قوعامدى قالىپتاستىرۋ – بٷگٸنگٸ ۇرپاقتىڭ دا ورتاق مٸندەتٸ. ال اباي سٶزٸ سول جولدا باعىت-باعدار بەرەتٸن رۋحاني تەمٸرقازىق بولىپ قالا بەرەدٸ.
