سولتۇستىك قازاقستان وبلىسىن 225 ملن تەڭگە كولەمىندەگى بيۋدجەت قاراجاتى نەگىزسىز جۇمسالماق بولعان، دەپ حابارلايدى Dalanews.kz.
مەملەكەتتىك ساتىپ الۋ سالاسىنداعى زاڭناما تالاپتارىنىڭ ساقتالۋىن قامتاماسىز ەتۋ ماقساتىندا پروكۋراتۋرا ورگاندارى تاراپىنان قۇقىق بۇزۋشىلىقتاردى انىقتاۋ جانە ولاردىڭ جولىن كەسۋ بويىنشا جۇيەلى جۇمىستار جۇرگىزىلۋدە.
جۇرگىزىلگەن تالداۋ بارىسىندا «مەملەكەتتىك ساتىپ الۋ تۋرالى» قازاقستان رەسپۋبليكاسىنىڭ زاڭىنىڭ تالاپتارىن ورەسكەل بۇزۋ فاكتىلەرى انىقتالدى.
اتاپ ايتقاندا، جامبىل اۋدانىندا اۋداندىق ەكونوميكا جانە قارجى ءبولىمىنىڭ لاۋازىمدى تۇلعالارى زاڭ تالاپتارىن بۇزا وتىرىپ، ءتيىستى جەر ۋچاسكەلەرىنە قۇقىق بەلگىلەيتىن قۇجاتتار بولماعانىنا قاراماستان، كوشە-جول جەلىسىن ورتاشا جوندەۋ بويىنشا 213،8 ملن تەڭگە سوماسىنا مەملەكەتتىك ساتىپ الۋلاردى جۇزەگە اسىرعان.
تايىنشا اۋدانىندا ءبىلىم ءبولىمى تاراپىنان پەداگوگ قىزمەتكەرلەردىڭ مەديسينالىق تەكسەرۋلەرىن وتكىزۋ قىزمەتتەرىن 13 ملن تەڭگە سوماسىنا ساتىپ الۋ جۇرگىزىلگەن. الايدا اتالعان ساتىپ الۋعا قازاقستان رەسپۋبليكاسى دەنساۋلىق ساقتاۋ مينيسترلىگىنىڭ 2020 جىلعى 15 قازانداعى № ق ر دسم-131/2020 بۇيرىعىمەن كوزدەلمەگەن دارىگەرلەردىڭ (تەراپيەۆت، دەرماتوۆەنەرولوگ، نيەۆروپاتولوگ) تەكسەرىستەرى، سونداي-اق زەرتحانالىق زەرتتەۋلەر مەن قاراۋ كابينەتىنىڭ قىزمەتتەرى ەنگىزىلگەن.
پروكۋروردىڭ نارازىلىقتارى بويىنشا جوعارىدا اتالعان مەملەكەتتىك ساتىپ الۋلاردىڭ كۇشى جويىلدى، كىنالى لاۋازىمدى تۇلعالاردى زاڭدا بەلگىلەنگەن جاۋاپكەرشىلىككە تارتۋ بويىنشا شارالار قابىلدانۋدا.
جالپى، اعىمداعى جىلدىڭ باسىنان بەرى اتالعان سالادا پروكۋرورلار 17 مەملەكەتتىك ساتىپ الۋدى توقتاتتى، ناتيجەسىندە سوماسى 225 ملن تەڭگە كولەمىندەگى بيۋدجەت قاراجاتىنىڭ نەگىزسىز جۇمسالۋىنا جول بەرىلمەدى.
