وبلىستاعى اگروونەركاسىپ كەشەنىندە وڭ ديناميكا بارىن جەتكىزىپ، ونوماستيكادا ىلگەرىلەۋشىلىك بارىن اتاپ ءوتتى.
بريفينگ بارىسىندا بارىسىندا ءوڭىر باسشىسىنا Dalanews.kz ءتىلشىسى وبلىستى گازداندىرۋ ماسەلەسى بويىنشا اتقارىلىپ جاتقان جۇمىستىڭ بارىسى جايلى سۇراق قويىپ ءوتتى.
"سولتۇستىك قازاقستان وبلىسىنا گازدى تارتۋدىڭ ءارتۇرلى نۇسقالارى قارالىپ كەلەدى. «سارىارقا» گاز قۇبىرىنا قوسۋ – ەڭ قولايلى نۇسقالاردىڭ ءبىرى بولىپ تۇر. ويتكەنى نۇر-سۇلتان قالاسىنا وزدەرىڭىز بىلەسىزدەر كوگىلدىر وتىن جەتىپ قالدى عوي.
ەكىنشى كەزەڭى نۇر-سۇلتان-كوكشەتاۋ، ءۇشىنشى كەزەڭى كوكشەتاۋ مەن پەتروپاۆلعا دەيىن. ءقازىر ەنەرگەتيكا ءمينيسترى ەسەپ جاساپ جاتىر.
ەكىنشى ماسەلە رەسەي فەدەراسياسى ارقىلى گاز تارتۋ بويىنشا «گازپروم» باسشىلارىمەن كەزدەسۋ وتكىزىپ، تالقىلادىق. بۇگىندە وبلىستى تابيعي گازبەن قامتاماسىز ەتۋ ءۇشىن بارلىق قاجەتتى پارامەترلەر ماگيسترالدىق گاز قۇبىرى جوباسىنا ەنگىزىلگەن.
ارينە جىلىتۋ ماۋسىمىندا كومىر مەن وتىنعا كوپ قارجى كەتەدى. ەگەردە وڭىرگە گاز تارتىلعان جاعدايدا، الدەقايدا تيىمدىرەك بولاتىن ەدى" دەدى قۇمار ىرگەباي ۇلى.
سونىمەن قاتار ءوڭىر باسشىسى بريفينگتە ءبىزدىڭ تىلشىمىزگە اۋكسيونعا بىرنەشە رەت شىعارىلعان پەتروپاۆل قالاسىنداعى اۋەجاي ماسەلەسى جايلى دا ايتىپ ءوتتى.
"اۋەجاي وبلىس اكىمدىگىنىڭ بالانسىندا. قازىرگى كەزدە نىساننىڭ شىعىنى، تابىسىنان كوپ. ءارى اۋەجايدى قالىپقا كەلتىرۋ ءۇشىن، اۆياسيالىق قاۋىپسىزدىك قىزمەتى بىرنەشە تالاپ قويىپ، ونداعى ولقىلىقتىڭ ورنىن تولتىرىڭدار دەپ بىرنەشە رەت ايتتى.
ول ءۇشىن ينفراقۇرىلىمدى جاقسارتۋىمىز كەرەك. وعان 1 ميلليارد تەڭگەگە جۋىق قارجى قاجەت. سونىمەن قاتار كوپتەگەن مامانداردى تارتۋىمىز كەرەك. 150 ادامعا ارنالعان شتات بولۋى قاجەت. بيۋدجەتتە ونداي شىعىنعا قارجى قاراستىرىلماعان. سوندىقتاندا ءبىز ساتىپ الۋ قۇقىعىمەن سەنىمگەرلىك باسقارۋعا بەرۋ ءۇشىن اۋەجايدى اۋكسيونعا شىعاردىق"، – دەدى قۇمار اقساقالوۆ.
جالپى سولتۇستىك قازاقستان وبلىسىندا گاز ماسەلەسى شەشىمىن تاۋىپ جاتسا، ينۆەستورلاردىڭ دا وڭىرگە دەگەن قىزىعۋشىلىعى ارتارى ءسوزسىز.
