Oblystaǵy agroónerkásip kesheninde oń dinamika baryn jetkizip, onomastikada ilgerileýshilik baryn atap ótti.
Brifing barysynda barysynda óńir basshysyna Dalanews.kz tilshisi oblysty gazdandyrý máselesi boiynsha atqarylyp jatqan jumystyń barysy jaily suraq qoiyp ótti.
"Soltústik Qazaqstan oblysyna gazdy tartýdyń ártúrli nusqalary qaralyp keledi. «Saryarqa» gaz qubyryna qosý – eń qolaily nusqalardyń biri bolyp tur. Óitkeni Nur-sultan qalasyna ózderińiz bilesizder kógildir otyn jetip qaldy ǵoi.
Ekinshi kezeńi Nur-sultan-Kókshetaý, úshinshi kezeńi Kókshetaý men Petropavlǵa deiin. Qazir Energetika ministri esep jasap jatyr.
Ekinshi másele Resei Federatsiiasy arqyly gaz tartý boiynsha «Gazprom» basshylarymen kezdesý ótkizip, talqyladyq. Búginde oblysty tabiǵi gazben qamtamasyz etý úshin barlyq qajetti parametrler magistraldyq gaz qubyry jobasyna engizilgen.
Árine jylytý maýsymynda kómir men otynǵa kóp qarjy ketedi. Egerde óńirge gaz tartylǵan jaǵdaida, áldeqaida tiimdirek bolatyn edi" dedi Qumar Irgebaiuly.
Sonymen qatar óńir basshysy brifingte bizdiń tilshimizge aýktsionǵa birneshe ret shyǵarylǵan Petropavl qalasyndaǵy áýejai máselesi jaily da aityp ótti.
"Áýejai oblys ákimdiginiń balansynda. Qazirgi kezde nysannyń shyǵyny, tabysynan kóp. Ári áýejaidy qalypqa keltirý úshin, aviatsiialyq qaýipsizdik qyzmeti birneshe talap qoiyp, ondaǵy olqylyqtyń ornyn toltyryńdar dep birneshe ret aitty.
Ol úshin infraqurylymdy jaqsartýymyz kerek. Oǵan 1 milliard teńgege jýyq qarjy qajet. Sonymen qatar kóptegen mamandardy tartýymyz kerek. 150 adamǵa arnalǵan shtat bolýy qajet. Biýdjette ondai shyǵynǵa qarjy qarastyrylmaǵan. Sondyqtanda biz satyp alý quqyǵymen senimgerlik basqarýǵa berý úshin áýejaidy aýktsionǵa shyǵardyq", – dedi Qumar Aqsaqalov.
Jalpy Soltústik Qazaqstan oblysynda gaz máselesi sheshimin taýyp jatsa, investorlardyń da óńirge degen qyzyǵýshylyǵy artary sózsiz.
