شىمكەنت قالاسى ەكٸمٸنٸڭ ورىنباسارى رۋسلان بەردەنوۆ وتادان كەيٸن العاش رەت ەل الدىنا شىقتى, دەپ حابارلايدى Dalanews.kz.
"مەنٸڭ باسىما تٷسكەن اۋىر جاعدايدان كٶپشٸلٸگٸڭٸز حاباردارسىزدار دەپ بٸلەمٸن. بۇل وقىس وقيعا ماعان دا, مەنٸڭ وتباسىم مەن جاقىندارىما دا اۋىر تيگەنٸ انىق. مۇنى سٶزبەن ايتىپ جەتكٸزۋ ٶتە قيىن.
الايدا, سىناققا تولى بولعان وسى ۋاقىت ارالىعىندا كٶپتەگەن ادامداردىڭ, ەرٸپتەستەرٸمنٸڭ, تامىر-تانىستارىمنىڭ جاناشىرلىعىن, قولداۋىن, تٸلەكتەستٸگٸن سەزٸندٸم. تەلەفونىما تٷسكەن قوڭىراۋلار, حابارلامالار, ەلەۋمەتتٸك جەلٸدەگٸ تٸلەۋلەس جازبالار كٶڭٸلٸمە دەمەۋ بولعانىن, كٷش-قۋات بەرگەنٸن, سەرگٸتكەنٸن ايتقىم كەلەدٸ", دەيدٸ بەردەنوۆ.
شەنەۋنٸك 3 اپتادان اسا ۋاقىت اۋرۋحانادا جاتقان.
"ٶزٸم دە اياقتان تۇرىپ, كٷندەلٸكتٸ تٸرشٸلٸگٸمە ورالاتىن سەت تاياپ قالدى. ەلبەتتە, بٸرٸنشٸ اللانىڭ, سودان سوڭ دەرٸگەرلەرٸمٸزدٸڭ جٸتٸ باقىلاۋىنىڭ, ەم-دومىنىڭ ارقاسىندا دەنساۋلىعىم وڭالدى, قالپىنا كەلدٸ. وسى ۋاقىت ٸشٸندە مەن ەلٸمٸزدٸڭ مەديتسيناسى كٶپ ٸلگەرٸلەگەنٸنە, شەتەلدٸك كلينيكالاردان ەش كەم ەمەستٸگٸنە كٶز جەتكٸزدٸم. اق حالاتتى ابزال جاندارىمىزدىڭ مەيٸرٸمٸ مەن كەسٸبيلٸگٸ دە ريزاشىلىعىمىزعا ەبدەن لايىق. بارشاڭىزدىڭ قولداۋلارىڭىز بەن جاناشىرلىقتارىڭىزعا شەكسٸز العىسىمدى ايتامىن", دەيدٸ رۋسلان بەردەنوۆ.
ەسكە سالا كەتەيٸك, 21 سەۋٸردە شىمكەنت قالاسى ەكٸمدٸگٸ عيماراتى ماڭىندا اتىس بولدى. سالدارىنان رۋسلان بەردەنوۆ جاراقات الدى. پوليتسييا مەلٸمەتٸنشە, كٷدٸكتٸ ۇستالىپ, ۋاقىتشا ۇستاۋ يزولياتورىنا قامالعان, بۇل دەرەك بويىنشا قىلمىستىق ٸس قوزعالعان.
