وسى كورمە اياسىندا وزات شارۋالار مەن اكىمدىكتەر وزات شارۋاشىلىق رەتىندە تانىلىپ، ەتكەن ەڭبەگىنىڭ وتەۋىندەي ءتۇرلى ماراپاتتارعا يە بولادى.
بيىلدا اۋداندا وسىنداي مەرەكەلى شارا ءوتتى. سوزاق اۋدانىنىڭ شارۋالارى كۇزدىڭ قورىتىندىسىن شىعارعان كەزدەسۋگە اۋدان اكىمى سالىحان پولاتوۆ پەن اۋداندىق ءماسليحاتتىڭ حاتشىسى بەگىمبەت بايعارايەۆ، اۋداندىق ارداگەرلەر كەڭەسىنىڭ ءتوراعاسى قابىلبەك ەسپەنبەتوۆ قاتىستى.
ولار بارشا اۋدان جۇرتشىلىعىن ايتۋلى كۇنمەن قۇتتىقتاپ، الدىڭعى ورىنداردى يەلەنگەن اۋىل اكىمدىكتەرى مەن ەڭبەك وزاتتارىنا ماراپاتتاۋلار تاپسىردى.
كورمە شەڭبەرىندە اۋداننىڭ ون اۋىل اكىمدىگىندەگى شارۋا قوجالىقتارى، كاسىپكەرلەر، تاۋار وندىرۋشىلەر كۇزگى جيىن-تەرىم ونىمدەرىن جارمەڭكەگە اكەلىپ حالىقتىڭ تۇتىنىمىنا ۇسىندى.
كوكونىس، ەت جانە ءسۇت ونىمدەرى، ۇننان جاسالعان ءتۇرلى تاعامدار، توقال، بالىشكە دەيىن سامساپ تۇردى.
ازىق-تۇلىك كورمەسىندە ءتورت تۇلىك مال ەتتەرى، بالىق جانە تاۋىق ونىمدەرى ءبارى-بارى دە اۋدان جۇرتشىلىعىنىڭ نازارىنا نارىق قۇنىنان تومەن باعادا ۇسىنىلدى.
«التىن كۇز» مەرەكەسىندە اۋىل شارۋاشىلىعىنىڭ ءتۇرلى تەحنيكالارى ءارى اسىل تۇقىمدى مال تۇرلەرى دە كورمەگە قويىلدى.
كورمە قورىتىندىسى بويىنشا اۋىل شارۋاشىلىعى ونىمدەرىن ءوندىرۋ بويىنشا ەڭ 1ء-شى ورىندى – سوزاق، ال 2ء-شى ورىندى قۇمكەنت جانە دە 3ء-شى ورىندى شولاققورعان جانە دە جارتىتوبە اۋىل اكىمدىكتەرى يەلەنگەنىن ايتا كەتەلىك. بۇدان بولەك، جەكە كورسەتكىشتەر بويىنشا ءتۇرلى سالادا ەڭبەك ەتەتىن بىرنەشە كاسىپكەر «التىن كۇز» كورمەسىنىڭ ارنايى سىيلىعىن الدى.
