Osy kórme aiasynda ozat sharýalar men ákimdikter ozat sharýashylyq retinde tanylyp, etken eńbeginiń óteýindei túrli marapattarǵa ie bolady.
Biylda aýdanda osyndai merekeli shara ótti. Sozaq aýdanynyń sharýalary kúzdiń qorytyndysyn shyǵarǵan kezdesýge aýdan ákimi Salyhan Polatov pen aýdandyq máslihattyń hatshysy Begimbet Baiǵaraev, aýdandyq ardagerler keńesiniń tóraǵasy Qabylbek Espenbetov qatysty.
Olar barsha aýdan jurtshylyǵyn aitýly kúnmen quttyqtap, aldyńǵy oryndardy ielengen aýyl ákimdikteri men eńbek ozattaryna marapattaýlar tapsyrdy.
Kórme sheńberinde aýdannyń on aýyl ákimdigindegi sharýa qojalyqtary, kásipkerler, taýar óndirýshiler kúzgi jiyn-terim ónimderin jármeńkege ákelip halyqtyń tutynymyna usyndy.
Kókónis, et jáne sút ónimderi, unnan jasalǵan túrli taǵamdar, toqal, bálishke deiin samsap turdy.
Azyq-túlik kórmesinde tórt túlik mal etteri, balyq jáne taýyq ónimderi bári-bári de aýdan jurtshylyǵynyń nazaryna naryq qunynan tómen baǵada usynyldy.
«Altyn kúz» merekesinde aýyl sharýashylyǵynyń túrli tehnikalary ári asyl tuqymdy mal túrleri de kórmege qoiyldy.
Kórme qorytyndysy boiynsha aýyl sharýashylyǵy ónimderin óndirý boiynsha eń 1-shi oryndy – Sozaq, al 2-shi oryndy Qumkent jáne de 3-shi oryndy Sholaqqorǵan jáne de Jartytóbe aýyl ákimdikteri ielengenin aita ketelik. Budan bólek, jeke kórsetkishter boiynsha túrli salada eńbek etetin birneshe kásipker «Altyn kúz» kórmesiniń arnaiy syilyǵyn aldy.
