نازارباەۆتار ەۋلەتٸنە جاقىن دٸنتانۋشى ەرٸ قوعام قايراتكەرٸ بەيبٸت ساپارالى بۇرىنعى پرەزيدەنتتٸڭ تۋىستارىنا قاتىستى رەنٸشٸن ايتتى, دەپ dalanews.kz تٸلشٸسٸ kznews.kz سايتىنا سٸلتەمە جاساپ حابارلايدى.
ول بۇل تۋرالى 2025 جىلى "Sadaq" مەديا اگەنتتٸگٸنٸڭ "دٷربٸ" جوباسىنا بەرگەن سۇحباتىندا ايتقان ەدٸ.
بەيبٸت ساپارالىنىڭ سٶزٸنشە, نۇرسۇلتان نازارباەۆ 2014-2015 جىلداردان باستاپ جاقىندارىنا بٸرنەشە رەت ەسكەرتۋ جاساعان. ول بۇرىنعى پرەزيدەنتتٸڭ تۋىستارىنا قاتىستى كەيبٸر ەرەكەتتەرٸنە كٶڭٸلٸ تولماعانىن جەتكٸزدٸ.
"نۇرسۇلتان نازارباەۆ ٶزٸنٸڭ اينالاسىنا, تۋىستارىنا 2014-2015 جىلدان باستاپ: "ەشتەڭەگە ارالاسپاڭدار, ەشتەڭەگە بارماڭدار, بٸرەۋدٸڭ بٸر نەرسەسٸن تارتىپ الماڭدار, ەلٸمجەتتٸك جاساماڭدار. بٸزدٸڭ اتاعىمىزدى پايدالانىپ, بٸر نەرسە ٸستەمەڭدەر" دەپ قاتتى ايتا باستادى. مىناۋ COVID-تەن كەيٸن بٸراز ۋاقىت ٶتتٸ عوي. بولات نازارباەۆتىڭ ەيەلٸ قايتىس بولدى. باسقا نەرسەلەر بولدى. بٶكەڭنٸڭ ٶزٸ ول كەزدە اۋىرىپ جٷردٸ. سول كەزدە كۋە بولعانداردان بٸر ەستٸگەنٸم… ول جەردە ەلباسىنىڭ ٶزٸ بولعان. ٸنٸسٸ بولات, قارىنداسى ەنيپا, سوسىن سامات بولعان. قايرات ساتىبالدى ول كەزدە تٷرمەدە ەدٸ. سول كەزدە ول كٸسٸ (نۇرسۇلتان نازارباەۆ – رەد.) قاتتى ٶكپەلەپ, ٸشتە جينالىپ قالعان رەنٸشٸن ايتتى دەپ ەستٸدٸم. "سەندەر مىناداي نەرسەنٸ بٷيتتٸڭدەر, مىنا جەردە وسىنداي اقاۋ جٸبەردٸڭدەر. ماعان سٶز كەلتٸرٸپ جاتسىڭدار. ماعان جاقسىلىق جاساۋدىڭ ورنىنا, سٶز كەلتٸرٸپ جاتسىڭدار. مەن قانشا رەت ەسكەرتتٸم?" دەپ, ول كٸسٸ قاتتى-قاتتى اشۋلانعان ەكەن", – دەدٸ بەيبٸت ساپارالى.
