Qazaq Air-دى ساتىپ العان ۆەتنامنىڭ Sovico Group كومپانيياسى قازاقستانداعى ەۋەجايدى ٶز باسقارۋىنا الۋ تۋرالى جوسپارىن كەيٸنگە شەگەرە تۇرماق. بۇل تۋرالى پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين مەلٸمدەدٸ. باستاپقىدا كومپانييا اقتٶبە جەنە تٷركٸستان وبلىستارىنان ەۋەجايلاردى جالعا الۋدى قاراستىرعان ەكەن, دەپ حابارلايدى Dalanews.kz.
جۇمانعارين ٶتكەن ايدا ۆەتنامدىق كومپانييا قازاقستاندا ەۋەجاي ساتىپ الۋ نەمەسە ونى باسقارۋعا الۋ مٷمكٸندٸگٸن قاراستىرىپ جاتقانىن ايتقان ەدٸ. كەيٸن سىرتقى ٸستەر ۆيتسە-مينيسترٸ ەلٸبەك باقاەۆ بۇل مەسەلەنٸڭ قىزىلوردا وبلىسىنداعى ەۋەجايعا قاتىستى ايتىلعانىن جەتكٸزگەن.
الايدا, قازٸرگٸ ۋاقىتتا اتالعان مەسەلەنٸ قاراستىرۋ جايى كەيٸنگە قالدىرىلعانى بەلگٸلٸ بولدى. جۇمانعاريننٸڭ ايتۋىنشا, باستاپقىدا ۆەتنامدىق كومپانييا اقتٶبە جەنە تٷركٸستان وبلىستارىنداعى ەۋەجايلاردى قاراستىرىپ كٶرٸپتٸ.
"مەنٸڭ بٸلۋٸمشە, كومپانييا بۇل باعىتتاعى جۇمىستى, ەزٸرگە توقتاتتى. بۇل ارادا ەۋەجايدى بٷتٸندەي ساتىپ الۋ تۋرالى سٶز بولىپ وتىرعان جوق. ولار ەۋەجاي بازاسى بولۋى ٷشٸن ولاردى باسقارۋعا العىسى كەلگەن. بٸراق بۇل مەسەلە شەشٸمٸ دە كەيٸنگە قالدىرىلدى, ٶيتكەنٸ ەۋە كومپانييانى دامىتۋ ٷشٸن ولاردا جەتكٸلٸكتٸ مٶلشەردە ٷلكەن ينۆەستيتسييا بار. ولار كەلەسٸ كەزەڭدٸ ەۋەجايدى ساتىپ الۋ نەمەسە ونى باسقارۋعا الۋ جايىن قاراستىرادى. قالاي دەگەنمەن دە ەگەر ەۋە كومپانييا بولسا, وعان بەرٸبٸر بازالىق ەۋەجاي قاجەت بولادى", – دەپ اتاپ ٶتتٸ مەجٸلٸستەگٸ بريفينگ بارىسىندا جۇمانعارين.
ايتا كەتسەك, Qazaq Air 2023 جىلى ساتىلىمعا قويىلدى: 18 تامىزدا "سامۇرىق-قازىنا" اق قورىنا تيەسٸلٸ اۆياكومپانييانىڭ 49%-دان 100%-عا دەيٸنگٸ اكتسييالارىن ساتۋعا ارنالعان اشىق ەكٸ كەزەڭدٸك كونكۋرستىڭ باستالعانى حابارلاندى. اكتسييالاردىڭ باستاپقى ەرٸ ەڭ تٶمەنگٸ باعاسى 10,2 ملرد تەڭگە بولىپ بەلگٸلەندٸ. اكتيۆتٸ بٸردەن ساتۋ مٷمكٸن بولمادى. 2023 جىلدىڭ 13 قاراشاسىندا جارييالانعان كونكۋرس ٶتكٸزٸلمەدٸ دەپ تانىلدى. 2024 جىلدىڭ قاڭتارىندا "سامۇرىق-قازىنا" قايتا كونكۋرس جارييالادى, الايدا ەكٸنشٸسٸ دە سەتسٸز بولدى. Qazaq Air-دى ساتىپ الاتىن ينۆەستوردىڭ تابىلعانى 2024 جىلعى 23 مامىردا بەلگٸلٸ بولدى: قازاقستان پرەزيدەنتٸ قاسىم-جومارت توقاەۆ سينگاپۋرداعى بيزنەس-فورۋمدا سٶيلەگەن سٶزٸندە ۆەتنامدىق Sovico Group ەۋە كومپانيياسىنىڭ ۇسىنىسىن قولداپ, پٸكٸر بٸلدٸردٸ. بٸراق بۇل كەلٸسسٶزدٸڭ ٶزٸ دە بٸر جىلعا سوزىلدى.
بۇعان دەيٸن سايتىمىزدا "ۆەتنامداعى تۇڭعىش ميللياردەر ەيەل جەنە قازاقستان" دەگەن ماقالا جارييالانعان بولاتىن.
