دوسقالييەۆ ەسكى قازاقستاننىڭ وكىلدەرىنىڭ ءبىر كەزدە نازاربايەۆتى ماقتاپ، ەندى داتتاپ جۇرگەنىن سىنادى.
"سوڭعى رەت مينيستر بولىپ جۇرگەندە 2009 جىلى كەزدەستىم. ماعان جاساعان جاقسىلىعىن ۇمىتپايمىن. ءقازىر قاراڭىز، باياعىدا نازاربايەۆتى ماداقتاپ، ماقتاپ جۇرگەن ادامدارى، كىم ەكەنىن ايتپاي-اق قويايىن، "اسپاننان تۇسكەن قۇدايمەن بىردەيسىڭ" دەگەن ادامدار ەندى تاقتان تۇسكەننەن كەيىن اناداي اڭگىمە ايتىپ جاتىر. ول ادامگەرشىلىككە سيا ما؟ ادامگەرشىلىككە سىيمايتىن سياقتى. "قۇلان قۇدىققا قۇلاسا، قۇرباقا قۇلاعىندا وينايدى" دەيدى. ونداي جاساۋعا بولمايدى. كەتكەن ادامنىڭ سوڭىنان تاس لاقتىرۋعا بولمايدى. ىستەسەڭ، تاقتا وتىرعاندا جاسا. مەن ونداي ادامداردان اۋلاق جۇرەمىن"، - دەيدى ول.
سونىمەن قاتار، سوتتى بولعان ەكس-شەنەۋنىك نازاربايەۆتىڭ ارقاسىندا تۇرمەدەن شىققانىن اڭگىمەلەپ بەردى.
"مەنى 7 جىل دەپ سوتتادى عوي. كوبى ءقازىر "نازاربايەۆ اناداي، مىناداي" دەيدى. نازاربايەۆتىڭ ارقاسىندا شىعىپ كەتتىم. قايتادان قاراتقىزعان، بۇكىل زەرتتەۋ جۇرگىزگەن. مەنى شىعارتتى. سوعان مىڭ دا ءبىر راقمەتىمدى ايتامىن (نازاربايەۆقا - ەسك.). بىلاي ولەتىن ەدىم ول جاقتا. راقىمشىلىق، سوسىن اقتاپ جىبەردى"، - دەيدى ول.
دوسقالييەۆ نازاربايەۆ وزىنە نەلىكتەن جىلى شىراي تانىتقانىن دا ايتتى.
"بۇل كىسىنىڭ ماعان كوزقاراسى اۋەلدەن دۇرىس. مينيستر بولىپ جۇرگەندە تالاي الدىنا باردىم، تالاي شىندىقتاردى ايتتىم. مەنىڭ ايتقان ۇسىنىستارىمنىڭ ءبارىن قولدادى. ... ءۇش رەت ۇكىمەت اۋىستى، ۇشەۋىندە دە مەنى مينيستر قىلىپ تاعايىندادى. سودان كەيىن دەپۋتات بولىپ كەتتىم. ...مەن جاعىمپازدانىپ وتىرعان جوقپىن. مەن ەشكىمگە ەشقاشان باسىمدى يمەگەن اداممىن. ءبىراق بارىن بار دەۋ كەرەك. استاناعا كوشكەندە كىشكەنتاي عانا ءبىر پروەكت بولسا، سوعان بالاشا قۋاناتىن. بىلمەيمىن ("ليۋبيمچيگى" بولدىم با - ەسك.). مەن وعان بىردەڭە اپارىپ بەرىپ، ءبىر جەردە ماقتاپ ايتقان ادام ەمەسپىن"، - دەدى بۇرىنعى مينيستر.
كوللاج: Dalanews.kz
تاعى وقىڭىز:
https://dalanews.kz/aimak/98599-shqo-da-zholdardy-qardan-tazartu-zhumyst
