Dosqaliev eski Qazaqstannyń ókilderiniń bir kezde Nazarbaevty maqtap, endi dattap júrgenin synady.
"Sońǵy ret ministr bolyp júrgende 2009 jyly kezdestim. Maǵan jasaǵan jaqsylyǵyn umytpaimyn. Qazir qarańyz, baiaǵyda Nazarbaevty madaqtap, maqtap júrgen adamdary, kim ekenin aitpai-aq qoiaiyn, "aspannan túsken Qudaimen birdeisiń" degen adamdar endi taqtan túskennen keiin anadai áńgime aityp jatyr. Ol adamgershilikke siia ma? Adamgershilikke syimaityn siiaqty. "Qulan qudyqqa qulasa, qurbaqa qulaǵynda oinaidy" deidi. Ondai jasaýǵa bolmaidy. Ketken adamnyń sońynan tas laqtyrýǵa bolmaidy. Isteseń, taqta otyrǵanda jasa. Men ondai adamdardan aýlaq júremin", - deidi ol.
Sonymen qatar, sotty bolǵan eks-sheneýnik Nazarbaevtyń arqasynda túrmeden shyqqanyn áńgimelep berdi.
"Meni 7 jyl dep sottady ǵoi. Kóbi qazir "Nazarbaev anadai, mynadai" deidi. Nazarbaevtyń arqasynda shyǵyp kettim. Qaitadan qaratqyzǵan, búkil zertteý júrgizgen. Meni shyǵartty. Soǵan myń da bir raqmetimdi aitamyn (Nazarbaevqa - esk.). Bylai óletin edim ol jaqta. Raqymshylyq, sosyn aqtap jiberdi", - deidi ol.
Dosqaliev Nazarbaev ózine nelikten jyly shyrai tanytqanyn da aitty.
"Bul kisiniń maǵan kózqarasy áýelden durys. Ministr bolyp júrgende talai aldyna bardym, talai shyndyqtardy aittym. Meniń aitqan usynystarymnyń bárin qoldady. ... Úsh ret Úkimet aýysty, úsheýinde de meni ministr qylyp taǵaiyndady. Sodan keiin depýtat bolyp kettim. ...Men jaǵympazdanyp otyrǵan joqpyn. Men eshkimge eshqashan basymdy imegen adammyn. Biraq baryn bar deý kerek. Astanaǵa kóshkende kishkentai ǵana bir proekt bolsa, soǵan balasha qýanatyn. Bilmeimin ("liýbimchigi" boldym ba - esk.). Men oǵan birdeńe aparyp berip, bir jerde maqtap aitqan adam emespin", - dedi burynǵy ministr.
Kollaj: Dalanews.kz
Taǵy oqyńyz:
https://dalanews.kz/aimak/98599-shqo-da-zholdardy-qardan-tazartu-zhumyst
