جەرگىلىكتى بيلىك ورىندارى قالاعا جۇمىسقا كەلگەندەردە 2،5 ميلليون، ال اۋىلعا بارعاندارعا 3،5 ميلليون تەڭگەگە دەيىن كوتەرمەاقى تولەۋگە دايىن. مماندار باسپانامەن دە قامتىلادى. وسىنداي مۇمكىندىكتىڭ ارقاسىندا تەك بيىلدىڭ وزىندە ايماققا 185 دارىگەر كەلگنە.
تۇركىستان وبلىسىنىڭ تۋماسى باقداۋلەت ارىنبەكوۆ ديپلومىن العان جاس دارىگەر. وسىدان بىرنەشە اي بۇرىن ايماقتا ماماندارعا جاسالىپ جاتقان جاعدايدى ەستىپ، بىردەن ەڭبەك جولىن سولتۇستىكتەن باستاۋعا شەشىم قابىلداعان. ءقازىر ول وبلىستىق كوپبەيىندى اۋرۋحانادا جۇمىس ىستەيدى.
– ءقازىر پاسيەنتتەرگە وتا جاساپ جاتىرمىز. ناۋقاستاردى ەمدەپ، قاراۋ ءۇشىن بارلىق جاعداي جاسالعان. ۇجىمدا تاجىريبەلەرى بىلگەندەر ۇيرەتىپ جاتىر. جالپى وڭىردە دارىگەر جەتىسپەۋشىلىگى بار. ايتالىق، بالالار ەمحاناسىنا لور دارىگەر كەرەك، – دەيدى وبلىستىق كوپسالالى اۋرۋحانانىڭ لور دارىگەرى باقداۋلەت ارىنبەكوۆ.
جىل باسىندا وڭىردە 285 ورىن بوس تۇرعان بولاتىن. سوڭعى ون ايدا 100 دارىگەر جۇمىسقا قابىلدانعان.
دارىگەر تاپشىلىعى وڭىردەگى ەڭ وزەكتى ماسەلەلەردىڭ ءبىرى. سوندىقتان جەرگىلىكتى بيلىك ورىندارى جاس ماماندارعا بارىنشا قولداۋ كورسەتۋدە. ءتىپتى، رەزەدەنتۋرادا وقيمىن دەگەن مامانداردىڭ اقىسىن دا تولەيدى.
