Jergilikti bılik oryndary qalaǵa jumysqa kelgenderde 2,5 mıllıon, al aýylǵa barǵandarǵa 3,5 mıllıon teńgege deıin kótermeaqy tóleýge daıyn. Mmandar baspanamen de qamtylady. Osyndaı múmkindiktiń arqasynda tek bıyldyń ózinde aımaqqa 185 dáriger kelgne.
Túrkistan oblysynyń týmasy Baqdáýlet Arynbekov dıplomyn alǵan jas dáriger. Osydan birneshe aı buryn aımaqta mamandarǵa jasalyp jatqan jaǵdaıdy estip, birden eńbek jolyn Soltústikten bastaýǵa sheshim qabyldaǵan. Qazir ol oblystyq kópbeıindi aýrýhanada jumys isteıdi.
– Qazir pasıentterge ota jasap jatyrmyz. Naýqastardy emdep, qaraý úshin barlyq jaǵdaı jasalǵan. Ujymda tájirıbeleri bilgender úıretip jatyr. Jalpy óńirde dáriger jetispeýshiligi bar. Aıtalyq, balalar emhanasyna lor dáriger kerek, – deıdi oblystyq kópsalaly aýrýhananyń lor dárigeri Baqdáýlet Arynbekov.
Jyl basynda óńirde 285 oryn bos turǵan bolatyn. Sońǵy on aıda 100 dáriger jumysqa qabyldanǵan.
Dáriger tapshylyǵy óńirdegi eń ózekti máselelerdiń biri. Sondyqtan jergilikti bılik oryndary jas mamandarǵa barynsha qoldaý kórsetýde. Tipti, rezedentýrada oqımyn degen mamandardyń aqysyn da tóleıdi.
