پرەمەر-مينيستردٸڭ بٸرٸنشٸ ورىنباسارى رومان سكليار سارانداعى جاعدايعا قاتىستى پٸكٸر بٸلدٸردٸ, - دەپ حابارلايدى Dalanews.kz.
ونىڭ سٶزٸنشە, ساران قالاسىنىڭ ەكٸمدٸگٸ جاڭا قازاندىقتى ٸسكە قوسۋ كەزٸندە اپات بولعان جاعدايدا رەزەرۆتٸك قۋاتتاردى قاراستىرماعان.
"ەكٸمدٸكتٸڭ كٸنەسٸ ولاردىڭ قوسالقى قازاندىقتى ەزٸرلەمەگەنٸندە. رەسپۋبليكالىق بيۋدجەتتەن 9 ملرد تەڭگە بٶلٸنگەن, جاڭا قازاندىقتى تامىز ايىندا سىناپ كٶرٸپ, ول جۇمىس ٸستەپ كەتەدٸ دەپ سەنٸپ قالعان. الايدا رەزەرۆتٸ ساقتاپ وتىرۋ كەرەك ەدٸ. ەرينە, مۇندايعا جول بەرۋگە بولمايدى", - دەدٸ سكليار.
ايتا كەتەيٸك, كەشە ساران ەكٸمٸ ەركٸن باۋلىقوۆ جىلۋ بەرۋ ماۋسىمىنىڭ باستالۋىندا جٸبەرگەن ولقىلىقتارى ٷشٸن قىزمەتٸنەن بوساتىلدى. قازان ايىنىڭ ورتاسىندا قۇرىلىسى 10 جىلعا سوزىلىپ, بيىل سالىنىپ بٸتكەن جاڭا ورتالىق قازاندىقتاعى اقاۋلارعا بايلانىستى سارانداعى 168 ٷي جىلۋسىز قالعان ەدٸ.
"قاراعاندى وبلىسى ەكٸمٸنٸڭ ٶكٸمٸمەن ساران قالاسىنىڭ ەكٸمٸ ەركٸن باۋلىقوۆ قالادا جىلۋ بەرۋ ماۋسىمىنىڭ باستالۋىندا ولقىلىق جٸبەرگەنٸ ٷشٸن اتقاراتىن قىزمەتٸنەن بوساتىلدى", - دەپ حابارلادى قاراعاندى وبلىسىنىڭ ەكٸمدٸگٸ.
ول بۇل قىزمەتتٸ بٸر جىلدان استام عانا ۋاقىت اتقاردى.
ەندٸ قالا باسشىسى مٸندەتٸن ۋاقىتشا وسىعان دەيٸن ساران ەكٸمٸنٸڭ ورىنباسارى بولعان ماقسات قايرەشوۆ اتقاراتىن بولدى.
