نۇر-سۇلتاننىڭ ەسىل اۋداندىق سوتىنىڭ سۋدياسى قانات دۇيسەمبييەۆ "سك-فارماسيا" ءجشس-نىڭ بۇرىنعى باسشىسى بەرىك شارىپكە قاتىستى ۇكىم شىعاردى.
- بەرىك ءشارىپ 287 باپتىڭ 2-بولىگى بويىنشا كىنالى دەپ تانىلىپ، وعان 1000 اەك مولشەرىندە ايىپپۇل سالىنسىن. بەرىك ءشارىپ ق ر قىلمىستىق كودەكسىنىڭ 361 بابىنىڭ 4 بولىگىنىڭ 3ء-شى تارماعى بويىنشا قىلمىستىق قۇقىق بۇزۋشىلىق جاساۋعا كىنالى ەمەس دەپ تانىلدى جانە ونىڭ ارەكەتىندە قىلمىستىق قۇقىق بۇزۋشىلىق قۇرامى بولماۋى سەبەپتى اقتالدى.
ق ر قىلمىستىق كودەكسىنىڭ 62 بابىنىڭ 3 بولىگىنىڭ 4-تارماعىنا سايكەس، ايىپپۇل تۇرىندەگى جازا مەرزىمى، 2020 جىلدىڭ 12 تامىزىنان باستاپ 2021 جىلدىڭ 4 تامىزىنا دەيىنگى قاماۋدا ۇستاۋ مەرزىمى 1 تاۋلىگى ءۇشىن 4 اەك رەتىندە بەلگىلەنىپ، ايىپپۇل تۇرىندە ەسەپتەلسىن.
بەرىك شارىپكە تاعايىندالعان جازا وتەلدى دەپ ەسەپتەلەدى جانە ول سوت وتىرىسىندا قاماۋدان بوساتىلسىن.
ۇستاۋ تۇرىندەگى بۇلتارتپاۋ شاراسىنىڭ كۇشى جويىلسىن. اقتالعاننىڭ قىلمىستىق جاۋاپقا تارتىلۋى ارقىلى كەلتىرىلگەن زياندى زاڭمەن وتەۋ قۇقىعى مويىندالسىن، - دەدى سۋديا قانات دۇيسەمبييەۆ.
بەرىك ءشارىپتى 2020 جىلدىڭ 14 تامىزىندا سىبايلاس جەمقورلىققا قارسى قىزمەت قىزمەتكەرلەرى ۇستاپ، نۇر-سۇلتان ءپد-نىڭ ۋاقىتشا ۇستاۋ يزولياتورىنا قامادى.
ول 2020 جىلدىڭ 21 ساۋىرىنەن باستاپ تەگىن مەديسينالىق كومەك كولەمىن قامتاماسىز ەتۋ ءۇشىن دارى-دارمەك پەن مەديسينالىق زاتتاردى ساتىپ الۋ جونىندەگى ديستريبيۋتورلىق كومپانيانى باسقارعان.
2020 جىلدىڭ 10 شىلدەسىندە ول ەل پرەزيدەنتى قاسىم-جومارت توقايەۆتىڭ سىنىنان كەيىن قىزمەتىنەن بوساتىلدى.
سك-فارماسيانىڭ بۇرىنعى باسشىسىنىڭ ءىسى "قىزمەتتىك وكىلەتتىكتەردى اسىرا پايدالانۋ" جانە "قارۋ، وق-دارىلەردى، جارىلعىش زاتتار مەن جارىلعىش قۇرىلعىلاردى زاڭسىز الۋ، بەرۋ، ساتۋ، ساقتاۋ، تاسىمالداۋ نەمەسە الىپ ءجۇرۋ" بابى بويىنشا قارالدى.
اتاپ ايتقاندا، ءجشس-تىڭ بۇرىنعى باسشىسى 2020 جىلدىڭ ءساۋىر-مامىرىندا ساپاسىز قورعانىس كوستيۋمدەرىن ساتىپ الىپ، دارىگەرلەردىڭ جاپپاي ينفەكسيا جۇقتىرۋىنا جول بەردى جانە قارۋدى زاڭسىز ساقتادى دەپ ايىپتالدى.
سوڭعى سوزىندە ءشارىپ ءوزىنىڭ كىناسىن مويىندامايتىنىن قايتالاعان بولاتىن
