Nur-Sultannyń Esil aýdandyq sotynyń sýdiasy Qanat Dúisembiev "SK-Farmatsiia" JShS-niń burynǵy basshysy Berik Sháripke qatysty úkim shyǵardy.
- Berik Shárip 287 baptyń 2-bóligi boiynsha kináli dep tanylyp, oǵan 1000 AEK mólsherinde aiyppul salynsyn. Berik Shárip QR Qylmystyq kodeksiniń 361 babynyń 4 bóliginiń 3-shi tarmaǵy boiynsha qylmystyq quqyq buzýshylyq jasaýǵa kináli emes dep tanyldy jáne onyń áreketinde qylmystyq quqyq buzýshylyq quramy bolmaýy sebepti aqtaldy.
QR Qylmystyq kodeksiniń 62 babynyń 3 bóliginiń 4-tarmaǵyna sáikes, aiyppul túrindegi jaza merzimi, 2020 jyldyń 12 tamyzynan bastap 2021 jyldyń 4 tamyzyna deiingi qamaýda ustaý merzimi 1 táýligi úshin 4 AEK retinde belgilenip, aiyppul túrinde eseptelsin.
Berik Sháripke taǵaiyndalǵan jaza óteldi dep esepteledi jáne ol sot otyrysynda qamaýdan bosatylsyn.
Ustaý túrindegi bultartpaý sharasynyń kúshi joiylsyn. Aqtalǵannyń qylmystyq jaýapqa tartylýy arqyly keltirilgen ziiandy zańmen óteý quqyǵy moiyndalsyn, - dedi sýdia Qanat Dúisembiev.
Berik Sháripti 2020 jyldyń 14 tamyzynda Sybailas jemqorlyqqa qarsy qyzmet qyzmetkerleri ustap, Nur-Sultan PD-niń ýaqytsha ustaý izoliatoryna qamady.
Ol 2020 jyldyń 21 sáýirinen bastap tegin meditsinalyq kómek kólemin qamtamasyz etý úshin dári-dármek pen meditsinalyq zattardy satyp alý jónindegi distribiýtorlyq kompaniiany basqarǵan.
2020 jyldyń 10 shildesinde ol el prezidenti Qasym-Jomart Toqaevtyń synynan keiin qyzmetinen bosatyldy.
SK-Farmatsiianyń burynǵy basshysynyń isi "Qyzmettik ókilettikterdi asyra paidalaný" jáne "Qarý, oq-dárilerdi, jarylǵysh zattar men jarylǵysh qurylǵylardy zańsyz alý, berý, satý, saqtaý, tasymaldaý nemese alyp júrý" baby boiynsha qaraldy.
Atap aitqanda, JShS-tiń burynǵy basshysy 2020 jyldyń sáýir-mamyrynda sapasyz qorǵanys kostiýmderin satyp alyp, dárigerlerdiń jappai infektsiia juqtyrýyna jol berdi jáne qarýdy zańsyz saqtady dep aiyptaldy.
Sońǵy sózinde Shárip óziniń kinásin moiyndamaitynyn qaitalaǵan bolatyn
