بۇعان اتالعان كومپانيالاردىڭ سولتۇستىك كورەيا جانە جۇڭگو بيلىگىمەن اۋىز جالاسقانى سەبەپ بولعان.
Cانكسيسياعا ىلىككەن Verus، Defense Engineering جانە VERSOR كومپانيالارىنا ءاشوت مكرتىشيەۆ ەسىمدى ارميان ازاماتى يەلىك ەتەدى دەپ جازادى Dalanews.kz.
مكرتىشيەۆ باسقاراتىن Defense Engineeringء-تىڭ قونىسى قازاقستاندا. 2018 جىلى اشىلعان كومپانيا 2000 شارشى مەترگە جۋىق اۋماقتى الىپ جاتىر. كاسىپورىننىڭ نەگىزگى قىزمەتى تاۋار تاسىمالىمەن بايلانىستى دەلىنگەن.
بىزگە بەلگىلى بولعانداي مكرتىشيەۆ كومپانيانى 2020 جىلى جەتەگىنە العان. سوڭعى ەكى جىل بويى كاسىپورىن بۇيرىق كۇتىپ جاتقان، بەلسەندىلىگى بايقالماعان. اشىق اقپارات كوزدەرىنەن بەلگىلى بولعانداي Defense Engineering رەسەيگە كىرگىزۋگە تىيىم سالىنعان قارۋ-جاراق، ءوق-دارى جانە جاڭا تەحنولوگيالاردى تاسىمالداۋمەن اينالىسادى.
ارميان كاسىپكەرىنىڭ كولەڭكەلى بيزنەسىن اشكەرەلەگەن اقش مكرتىشيەۆتى جىل باسىندا "قارا تىزىمگە" ەنگىزگەن ەدى.
ءازىربايجاندىق اقپارات قۇرالدارىنىڭ ءمالىم ەتكەنىندەي سوڭعى 4-5 جىلدىڭ كولەمىندە ارميان كاسىپكەرلەرى ءتۇرلى امالىن تاۋىپ كىندىك ازياعا كىرۋگە تىرىسۋدا.
"مۇنداعى ماقسات تەك اقشا تابۋمەن شەكتەلمەيدى. ارميان ءلوببيى تۇركىتىلدەس ەلدەردىڭ ساياسي جانە اسكەري ەليتاسىن السىرەتۋدى، ولارعا ىقپال ەتۋدى كوزدەيدى. ولاردىڭ تۇپكى ماقساتى - ايماقتى تۇركيا مەن ءازىربايجاننان اجىراتىپ الۋ. ءبىر تۋدىڭ استىنا بىرىكىسى كەلەتىن ەلدەردى ىدىراتۋ. مۇنىڭ ارعى جاعىندا ارميانتەكتەس، ءارى ەريەۆاندى قولدايتىن رەسەيلىك وليگراحتار تۇر"، - دەيدى باۋىرلاس ەلدىڭ باسىلىمدارى.
DALA INSIDE تەلەگرام ارناسىنىڭ حابارلاۋىنشا مكرتىشيەۆ ءازىربايجانعا تيەسىلى تاۋلى قاراباق ايماعىنا رەسەيلىك جانە سلوۆاك قارۋ-جاراعىن تاسىمالداعان. ال رەسەيدەگى ارميان ءلوببيى مكرتىشيەۆتىڭ قولتىعىنا سۋ بۇركىپ وتىر. ونىڭ قاراباقتاعى كيكىلجىڭدى ۋشىقتىرعىسى كەلمەيتىن پاشينيانمەن جۇلدىزى قارسى.
ايتقانداي، ميتتال قازاقستاندى ساباسىنا ءتۇسىردى. تولىعىراق: https://t.me/dalainside/1480
