قازاقستاندا SIM-box ارقىلى ازاماتتارعا جاپپاي الاياقتىق قوڭىراۋ شالعان ترانسۇلتتىق ۇيىمداسقان قىلمىستىق توپتىڭ 24 مٷشەسٸ 8 جىلعا باس بوستاندىعىنان ايىرىلدى, دەپ حابارلايدى dalanews.kz.
«سوت ۇيىمداسقان توپقا قاتىسۋشىلاردىڭ كەلٸسٸلگەن تٷردە ەرەكەت ەتكەنٸن, ەرقايسىسىنا بەلگٸلٸ بٸر رٶل بەرٸلگەنٸن جەنە ولاردىڭ ەرەكەتتەرٸن ۇيىمداستىرۋشىلار ٷيلەستٸرگەنٸن انىقتادى», — دەپ حابارلادى قاراعاندى وبلىسىنىڭ پروكۋراتۋراسى.
استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتى 24 سوتتالۋشىنى كٸنەلٸ دەپ تانىپ, ەرقايسىسىنا 8 جىل باس بوستاندىعىنان ايىرۋ جازاسىن تاعايىنداعان.
سوت انىقتاعانداي, توپ مٷشەلەرٸنٸڭ باسىم بٶلٸگٸ قازاقستانعا رەسەيدەن كەلگەن. كەيبٸر قاتىسۋشىلار ۇيىمداستىرۋشىلاردىڭ تاپسىرماسىمەن قاجەتتٸ جابدىقتاردى الۋ ٷشٸن رەسەيگە بارعان.
ورىنداۋشىلار نەگٸزٸنەن Telegram ارقىلى ٸزدەلگەن. ولارعا بەلگٸلٸ بٸر قالاعا كەلٸپ, تۇرعىن ٷي جالداۋ, SIM-box قۇرىلعىسىن الۋ نەمەسە جەتكٸزۋ, ونى ينتەرنەتكە قوسۋ, قازاقستاندىق وپەراتورلاردىڭ SIM-كارتالارىن ورناتۋ جەنە جابدىقتىڭ ٷزدٸكسٸز جۇمىسىن قامتاماسىز ەتۋ تاپسىرىلعان.
بۇل جۇمىسى ٷشٸن قاتىسۋشىلارعا تەۋلٸگٸنە 50-دەن 100 دوللارعا دەيٸن سىياقى تٶلەنگەن.
ٸس بويىنشا نەگٸزگٸ دەلەلدەردٸڭ بٸرٸ سوتتالعانداردىڭ تەلەفوندارىنان تابىلعان Telegram حاتتارى بولعان. حابارلامالاردا جابدىقتى ورناتۋ جەنە تەحنيكالىق قىزمەت كٶرسەتۋ, SIM-كارتالاردى اۋىستىرۋ, تاپسىرمالاردى ورىنداۋ جەنە ٷيلەستٸرۋشٸلەرگە ەسەپ بەرۋ جٶنٸندەگٸ نۇسقاۋلار جازىلعان.
SIM-box-قا قوسىلعان تەلەفون نٶمٸرلەرٸ ارقىلى ازاماتتارعا الاياقتىق قوڭىراۋلار جاسالعان. قاسكٷنەمدەر ٶزدەرٸن مەملەكەتتٸك ورگانداردىڭ, بانكتەردٸڭ, «قازپوشتا» اق جەنە باسقا ۇيىمداردىڭ قىزمەتكەرلەرٸ رەتٸندە تانىستىرعان.
ولار ازاماتتاردان راستاۋ كودتارىن الىپ, نەسيە رەسٸمدەۋگە جەنە اقشالاي قاراجات اۋدارۋعا كٶندٸرگەن.
سوتتالۋشىلار كٸنەسٸن مويىنداماعان. الايدا پروكۋراتۋرا ۇسىنعان دەلەلدەمەلەر ولاردىڭ ۇيىمداسقان قىلمىستىق ەرەكەتكە قاتىستىلىعىن راستاعان.
ٷكٸم ەزٸرگە زاڭدى كٷشٸنە ەنگەن جوق.
