[caption id="attachment_230057" align="alignright" width="296"]
پەرەس: سٸز قانشاداسىز قازٸر? 63-تە مە? مەنٸڭ جاسىم 93-كە كەلدٸ. ايتىڭىزشى, الداعى 30 جىلدا نە تىندىرماق ويىڭىز بار? نە ٷشٸن كٷرەسٸپ جٷرسٸز ٶزٸ? امەريكانىڭ قىتىعىنا تيەم دەپ ويلايسىز با?
پۋتين: جوعا...
پەرەس: امەريكا رەسەيدٸ باسىپ العىسى كەلە مە?
پۋتين: ٶي, جوعا...
پەرەس: ەلدە وبامامەن ۇعىسا الماي جٷرسٸڭدەر مە?
پۋتين: وندا سٸزدٸڭ نە شارۋاڭ...كەشٸرٸڭٸز, مۇنى نەگە سۇرادىڭىز?
پەرەس: ۆلاديمير, مەن تىڭشى ەمەسپٸن, قورىقپا. مەنٸمەن اشىق ەڭگٸمەلەسۋگە بولادى.
پۋتين: ال ٶزٸڭٸز نە ويلايسىز?
پەرەس: ٶل, تٸرٸل - بەرٸبٸر امەريكا جەڭەدٸ.
پۋتين: نەگە, ويباي?!
پەرەس: سەبەبٸ, ولار باقىتتى. ال سٸزدەر باقىتسىزسىزدار...
دوس ٸزدەڭٸز, دوس...
[caption id="attachment_230056" align="aligncenter" width="346"]
مارقۇم پەرەس مۇنىمەن توقتاماعان ەكەن. پۋتيننٸڭ مىسىن باسۋ ٷشٸن ەرٸ قاراي بىلاي دەگەن.
پەرەس: پۋتينگە, بٸرٸنشٸدەن, بىلاي دەدٸم. امەريكالىق ازاندا ويانعاندا نە كٶرەدٸ, بٸلەسٸز بە? وڭتٷستٸگٸندە مەكسيكا تۇر. ولار ٶز جەرٸندە جٷرگەن مەكسيكالىقتاردى قۋىپ, قۋدالاپ جاتقان جوق. سولتٷستٸگٸندە كانادا تۇر. اقش پەن كانادا اراسىنان قىل ٶتپەس دوس. وڭ مەن سولى - تەڭٸز, مۇحيت. وباما نەگە الاڭداۋى كەرەك?
ال سٸزدەر دە? سٸزدەر تاڭەرتەڭ ويانعاندا نە كٶرەسٸزدەر? جاپونييا, قىتاي, اۋعانستاندى ما? قۇداي-اۋ. ولار سٸزدەردە ۇلان-عايىر جەردٸڭ بار ەكەنٸن بٸلەدٸ, ەرينە. بٸلەدٸ, ٶكٸنەدٸ. بارماق تٸستەيدٸ. وسىنشاما الىپ اۋماق بوس جاتىر. يگەرٸلمەي. ٸرٸپ-شٸرٸپ. بٸراق, سٸزدەر ولاردى جاۋ كٶرەسٸزدەر. سوندىقتان ولارعا باقىر تيىن ۇستاتپايسىزدار. ەلەمدەگٸ تۇششى سۋدىڭ 20 پايىزى سٸزدەردە. بٸراق, تاعى دا بٶلٸسكٸلەرٸڭٸز كەلمەيدٸ. ال سٸبٸردەگٸ قار ەرٸگەن كەزدە, بٸرٸنشٸ كٶرەتٸندەرٸڭٸز – قىتايلار. بٸلەسٸز بە, قازٸرگٸ رەسەيدٸڭ شىعىسىنداعى قىتايدىڭ سانى ورىستان كٶپ. پۋتين مىرزا...
پۋتينگە ەكٸنشٸدەن بىلاي دەدٸم:
امەريكادا جەر اۋماعى مەن حالىق سانى ٷيلەسٸم تاپقان. ال سٸزدەردە قالاي? 20 ميلليون شارشى شاقىرىم جەر... بوس جاتىر. سٸزدەردە وسىنشاما اۋماققا ورنالاستىراتىن حالىق جوق. اتىمەن جوق. ٶسٸمگە قاراعاندا, ٶلٸم كٶپ. ٶزٸڭٸزدٸ ماقتاپ, ماداقتاعانعا سەمٸرمەڭٸز. ولار سٸزدٸ كەشٸرمەيدٸ. ايتىڭىزشى, ورىس نەگە ورتا ەسەپپەن 62 جىل ٶمٸر سٷرەدٸ. ال امەريكالىقتاردىڭ ٶمٸر سٷرۋ ۇزاقتىعى 82 جاستان تٶمەن ەمەس. نەگە, بٸلەسٸز بە?
وسى سەتتە مەن وعان بىلاي دەدٸم:
"سٸز ٶزٸڭٸزدٸ پاتشا سانايسىز عوي, يە?" ول ٷندەگەن جوق.
يە, پاتشا سانايسىز. ال پاتشالار نە بٸتٸردٸ? ولار ەكٸ قالا سالدى. بٸرٸ - سانكت-پەتەربۋرگ, ەكٸنشٸسٸ - مەسكەۋ. سٸزدەر بۇل قالالاردى ەنشەيٸن تاماشالاۋ ٷشٸن سالدىڭىزدار. ٶزٸڭٸزگە كەرەكتٸنٸ سٸزدەر تەك وسى ارادان تاباسىزدار. ال ٶزگە رەسەي شە? ونداعى جاعداي قالاي? مۇنى سٸزگە مەن ايتايىن. ٶزگە رەسەي نيگەرييا سيياقتى. قايىرشى. ٶزگە رەسەيدٸ قار باسقان. سٸز باسقاراتىن ەلدٸڭ تۇرعىندارى ٶمٸردٸڭ قىزىعىن كٶرمەي ٶتٸپ جاتىر. سٸز ولارعا لايىقتى ٶمٸر سٷرۋگە مٷمكٸندٸك بەرمەي وتىرسىز. ولار مۇنى كەشٸرمەيدٸ.
"ال امەريكا نەسٸمەن ارتىق? رەسەيدەن نەسٸمەن ارتىق?" دەپ سۇرادىم مەن ودان. تاعى دا ٷندەگەن جوق. ٶز ساۋالىما ٶزٸم جاۋاپ بەردٸم.
ولار جاقسىلىق جاسايدى. ولار ادامدارعا ٶمٸر سٷرۋگە, ٶمٸردٸڭ قىزىعىن كٶرۋگە مٷمكٸندٸك بەرەدٸ.
ولار جاۋ ەمەس, دوس ٸزدەيدٸ, دوس... بٸلە-بٸلسەڭٸز, پۋتين مىرزا, بۇل ەڭ تيٸمدٸ ينۆەستيتسييا.
رەسەيدەن يمپەرييا جاساۋعا ۇمتىلماڭىز. ۇتىلاسىز. مىسال كەرەك پە? ەۋروپاعا قاراڭىز. فرانتسيياعا, انگليياعا, پورتۋگاليياعا...بەرٸ دە يمپەرييا اتانعىسى كەلدٸ. اقىرى نە بولدى? ابىرويى تٶگٸلدٸ. ەلەمدٸك مۇحيتتى بيلەگٸسٸ كەلگەن انگلييانى اشۋعا مٸنگەن ٷندٸستەر ەلٸنەن قۋىپ شىقتى. قازٸر قولىندا قالعانى - ٷش ارال عانا. ولاردى دا قايتەرٸن, قايدا جٸبەرەرٸن بٸلمەي وتىر.
پۋتين ٷنسٸز تىڭدادى. ويلاندى دەپ ويلايمىن. ەي, بٸراق...
"جاۋ ٸزدەۋ, جاۋ اتانۋ, جاۋگەرشٸلٸك جاساۋ ٶمٸردەگٸ ەڭ ٷلكەن ٶكٸنٸش. تراگەدييا. سٸز اقىماق ٸسكە كٶپ اقشا تٶگٸپ جاتىرسىز..." - دەدٸم مەن وعان.
دەرەككٶز: kaz.365info.kz
