كورمەدە قازاقستان، وزبەكستان جانە رەسەي ەلدەرىنىڭ 30-عا جۋىق كاسىپورىننىڭ قۇرىلىس، ارلەۋ ماتەريالدارى مەن جابدىعى، لاك-سىر ونىمدەرى، قۇرىلىس تەحنيكاسى، عيماراتتاردى اۆتوماتتاندىرۋ قۇرىلعىلارى مەن جىلىتۋ، سۋمەن قامتۋ جىبدىقتارى قويىلدى.
كورمەنى ارالاپ تانىسقان وبلىس اكىمى جانسەيىت تۇيمەبايەۆ قاتىسۋشىلارعا العىسىن ءبىلدىرىپ، شارانىڭ ماڭىزدىلىعىنا توقتالدى.
ءوڭىر باسشىسى جۋىردا عانا ەلباسىمىز بەس الەۋمەتتىك باستامانى ناقتىلاپ بەرگەنىن ايتىپ، وسىعان وراي اعىمداعى جىلى وڭتۇستىك قازاقستان وبلىسىندا تۇرعىن ءۇي سالۋ قارقىنى كۇشەيە تۇسەتىندىگىن جەتكىزدى. بۇل رەتتە بۇگىنگى ۇيىمداستىرىلىپ وتىرعان «Shymkent Build – 2018» كورمەسى وڭىردەگى قۇرىلىس يندۋسترياسىنىڭ دامۋىنا ماڭىزدى ۇلەس قوسارى ءسوزسىز. وبلىس اكىمى قازىرگى ۋاقىتتا ايماقتىڭ قۇرىلىس يندۋسترياسى بەلسەندى تۇردە دامىپ كەلەتىندىگىن ايتتى.
ايتا كەتەيىك، وڭتۇستىك قازاقستان وبلىسىندا الداعى بەسجىلدىقتا 2016-2020 جىلدارعا ارنالعان دامۋ باعدارلاماسى اياسىندا 4،8 ملن شارشى مەتر تۇرعىن ءۇي سالۋ جوسپارلانۋدا. بۇگىنگى تاڭدا وڭىردە «نۇرلى جەر» مەملەكەتتىك باعدارلاماسى بويىنشا 2021 جىلعا دەيىن 1 ملن. شارشى مەتر تۇرعىن ءۇيدى ەل يگىلىگىنە بەرۋ ءۇردىسى قالىپتاستى. بۇدان بولەك، شىمكەنت قالاسىن قازاقستاننىڭ ءۇشىنشى مەگاپوليسى رەتىندە دامىتۋ ماقساتىندا «ShymkentCity» جوباسى جۇزەگە اسىرىلۋدا.
«Shymkent Build – 2018» كورمەسى اياسىندا «قۇرىلىس سالاسىنا جاڭا تەحنولوگيالاردى ەنگىزۋ» تاقىرىبىندا كونفەرەنسيا ۇيىمداستىرىلادى دەپ كۇتىلۋدە. اتالعان شارا بارىسىندا كورمە قاتىسۋشىلارى قۇرىلىس سەكتورىنداعى ەڭ وزەكتى ماسەلەلەردى ءوزارا تالقىعا سالاتىن بولادى.
وقو اكىمىنىڭ باسپا ءسوز قىزمەتى
