شىعىس قازاقستان وبلىسى, گلۋبوكوە اۋىلىنىڭ تۇرعىنى رادياتسييالىق قاۋٸپتٸ ايماقتا تۇرعانىن سوتتا دەلەلدەپ, ۋەكٸلەتتٸ ورگاننىڭ ەدٸلەتسٸز شەشٸمٸن جوققا شىعاردى, دەپ حابارلايدى Dalanews.kz.
Yk.kz مەلٸمەتٸنشە, قۇزىرلى مەكەمە ونىڭ ٶتٸنٸشٸن تيٸستٸ قۇجاتتاردىڭ جوقتىعىنا بايلانىستى قاناعاتتاندىرماعان.
الايدا “سەمەي يادرولىق سىناق پوليگونىندا يادرولىق جارىلىستاردىڭ سالدارىنان زارداپ شەككەن ازاماتتاردى ەلەۋمەتتٸك قورعاۋ تۋرالى” زاڭعا سەيكەس, 1966 جىلدان 1990 جىلعا دەيٸنگٸ ارالىقتا اتالعان اۋماقتا تۇرىپ, جۇمىس ٸستەگەن نەمەسە ەسكەري قىزمەت اتقارعان (ونىڭ ٸشٸندە مەرزٸمدٸ) ازاماتتار زارداپ شەككەن تۇلعالار رەتٸندە تانىلادى. ولارعا جەڭٸلدٸكتەر مەن ٶتەماقى الۋعا قۇقىق بەرەتٸن ارنايى كۋەلٸك تابىستالادى.
شىعىس قازاقستان وبلىسى گلۋبوكوۆ اۋدانىنىڭ سوتى بۇل ٸستٸ قاراپ, تالاپكەردٸڭ 1990 جىلدىڭ ٸشٸندە بەلوۋسوۆكا اۋىلىندا سەگٸز اي تۇرعانىن راستايتىن جەتكٸلٸكتٸ دەلەلدەر بار دەگەن شەشٸمگە كەلدٸ. بۇل ٶڭٸر رەسمي تٷردە رادياتسييالىق قاۋٸپتٸ ايماققا جاتقىزىلادى.
سوتتا تالاپكەردٸڭ اناسىنىڭ بەلوۋسوۆكا اۋىلىندا تۇرعانىن دەلەلدەيتٸن تۋۋ تۋرالى كۋەلٸك, احاج جازبالارى, بالالار ٷيٸنەن الىنعان انىقتاما, سونداي-اق ەپكەسٸ مەن اعاسىنىڭ كۋەلٸكتەرٸ ۇسىنىلدى. ولار تالاپكەردٸڭ تۋعانىنان باستاپ بالالار ٷيٸنە تٷسكەنگە دەيٸن اتا-اناسىمەن بٸرگە وسى اۋىلدا تۇرعانىن راستاعان.
نەتيجەسٸندە سوت تالاپتى قاناعاتتاندىرىپ, تالاپكەردٸڭ 1990 جىلى سەمەي يادرولىق سىناق پوليگونىنىڭ ەسەرٸنە ۇشىراعان ايماقتا سەگٸز اي تۇرعان فاكتٸسٸن رەسمي تٷردە مويىندادى.
اتالعان شەشٸم ەلٸ زاڭدى كٷشٸنە ەنگەن جوق.
