ءادىلحان سابۋروۆتىڭ ايتۋىنشا، جەمقورلىق قازاقستانداعى ەڭ اكتۋالدى ماسەلەلەردىڭ ءبىرى ەكەنىن اتاپ ءوتتى.
قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى جەمقورلىقتىڭ الدىن الۋ، اشكەرەلەۋ، وسى سالاعا قاتىستى قىلمىستىق ىستەردى تەرگەۋ امالدارىن جۇرگىزەدى.
2018-2019 جىلدارى دەپارتامەنت ماماندارى 35 قىلمىستىق ءىستى اشقان. ونىڭ 28ء-ى سوتتا قارالدى. ال قالعان جەتەۋىن جاساعان ايىپتىلار قىلمىستارىن ءوز ەرىكتەرىمەن مويىندادى.
بريفينگ بارىسىندا ءادىلحان سابۋروۆ «دارىن» عزم ديرەكتورى ا.ك.عافۋروۆقا قاتىستى قىلمىستىق ءىستى مىسال رەتىندە اتاپ ءوتتى. ايتۋىنشا، ا.ك.عافۋروۆ 5 جىلعا باس بوستاندىعىنان ايىرىلىپ، مەملەكەتتىك قىزمەتتەن شەتتەتىلگەن.
– مۇنداي قىلمىستىق ىستەردىڭ دەنى مەملەكەتتىك قىزمەت تۇرلەرىن كەزەك كۇتپەي العىسى كەلگەندىكتەن تۋىندايدى. ءبىز قوعام بولىپ جەمقورلىقپەن كۇرەسۋىمىز كەرەك، – دەدى ءادىلحان سابۋروۆ.
