Aımaqtyq komýnıkasıalar qyzmetinde SHQO boıynsha jemqorlyqpen kúres departamenti basshysynyń orynbasary Ádilhan Sabýrovtyń qatysýymen pres-konferensıa ótti. Onda 2018-2019 jyly oblys kóleminde jemqorlyqpen kúreske qatysty júrgizilgen sharýalar jóninde keńinen aıtyldy.

Ádilhan Sabýrovtyń aıtýynsha, jemqorlyq Qazaqstandaǵy eń aktýaldy máselelerdiń biri ekenin atap ótti.

Qazaqstan Respýblıkasynyń sybaılas jemqorlyqqa qarsy is-qımyl agenttigi jemqorlyqtyń aldyn alý, áshkereleý, osy salaǵa qatysty qylmystyq isterdi tergeý amaldaryn júrgizedi.

2018-2019 jyldary departament mamandary 35 qylmystyq isti ashqan. Onyń 28-i sotta qaraldy. Al qalǵan jeteýin jasaǵan aıyptylar qylmystaryn óz erikterimen moıyndady.

Brıfıń barysynda Ádilhan Sabýrov «Daryn» ǴZM dırektory A.K.Ǵafýrovqa qatysty qylmystyq isti mysal retinde atap ótti. Aıtýynsha, A.K.Ǵafýrov 5 jylǵa bas bostandyǵynan aıyrylyp, memlekettik qyzmetten shettetilgen.

– Mundaı qylmystyq isterdiń deni memlekettik qyzmet túrlerin kezek kútpeı alǵysy kelgendikten týyndaıdy. Biz qoǵam bolyp jemqorlyqpen kúresýimiz kerek, – dedi Ádilhan Sabýrov.