سوڭعى مالىمەتكە ساي نۇر-سۇلتان قالاسى قايتادان "قىزىل ايماققا" ەندى. ال شىعىس قازاقستان وبلىسى "جاسىل ايماققا" ءوتتى.
ىندەتتىڭ تارالۋى كورسەتكىشىن باقىلاپ وتىراتىن ارنايى جۇيەنىڭ مالىمەتى بويىنشا "قىزىل ايماققا" نۇر-سۇلتان قالاسىنان بولەك پاۆلودار جانە اقمولى وبلىسى ەنگەن.
باتىس قازاقستان، قوستاناي، اتىراۋ جانە سولتۇستىك قازاقستان وبلىسى "سارى ايماقتا" ءجۇر. سوعان ساي كارانتين تالاپتارى ساقتالىپ، باقىلاۋ جۇمىسى كۇشەيتىلەدى.
وزگە وبلىستار "جاسىل ايماققا" ەنگەن، مۇنداعى جاعدايى ءبىرقالىپتى، ىندەتتىڭ تارالۋى از دا بولسىن تەجەلگەن، وسى سەبەپتى مۇنداي وڭىرلەردە كارانتينگە بايلانىستى شەكتەۋلەر بىرتىندەپ جۇمسارادى. سوڭعى تاۋلىكتە "جاسىل ايماققا" شىعىس قازاقستان وبلىسى ەندى.
قازاقستان تۇتاستاي العانداي "جاسىل ايماقتا" تۇر.
