شقو-داعى بالالار دۇكەنىندە تاۋار باعالارى باسقا ۆاليۋتامەن كورسەتىلگەنى انىقتالدى، دەپ حابارلايدى Dalanews.kz.
ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنە بالالار دۇكەنىندە باعالار رۋبلمەن كورسەتىلگەنى تۋرالى ارىز تۇسكەن. تۇسكەن ارىز نەگىزىندە دەپارتامەنت جوسپاردان تىس تەكسەرىس جۇرگىزگەن. تەكسەرىس بارىسىندا بۇل اقپارات راستالعان، كەيبىر تاۋارلاردا، شىنىمەن دە، شەتەل ۆاليۋتاسى بار جاپسىرمالار قالعان.
دۇكەن باسشىلىعى مۇنداي جاعدايدىڭ زاڭنامانى بىلمەۋدەن جانە قىزمەتكەرلەردىڭ جەتىسپەۋشىلىگىنەن تۋىنداعانىن تۇسىندىرگەن.
ال زاڭعا سايكەس قازاقستان رەسپۋبليكاسىنىڭ اۋماعىندا ىشكى جانە (نەمەسە) سىرتقى سورەلەردە قويىلعان تاۋاردىڭ باعاسى تەڭگەمەن كورسەتىلمەي ساتىلۋى نەمەسە باعاسىنىڭ تەڭگەدەن باسقا ۆاليۋتامەن كورسەتىلۋى ايىپپۇلعا اكەپ سوعادى. مولشەرى مىناداي:
- شاعىن كاسىپكەرلىك سۋبەكتىلەرىنە – 6 ايلىق ەسەپتىك كورسەتكىش (اەك)،
- ورتا كاسىپكەرلىك سۋبەكتىلەرىنە – 10 اەك،
- ءىرى كاسىپكەرلىك سۋبەكتىلەرىنە – 30 اەك.
بۇل جاعداي قايتالانعاندىقتان، ايىپپۇل كولەمى ۇلعايىپ، دۇكەن يەسىنە اقبتك-نىڭ 193-بابى 5-بولىگىنە سايكەس 200 اەك مولشەرىندە ايىپپۇل سالىنعان.
