ShQO-daǵy balalar dúkeninde taýar baǵalary basqa valiýtamen kórsetilgeni anyqtaldy, dep habarlaidy Dalanews.kz.
Saýda jáne tutynýshylardyń quqyqtaryn qorǵaý departamentine balalar dúkeninde baǵalar rýblmen kórsetilgeni týraly aryz túsken. Túsken aryz negizinde departament jospardan tys tekseris júrgizgen. Tekseris barysynda bul aqparat rastalǵan, keibir taýarlarda, shynymen de, shetel valiýtasy bar japsyrmalar qalǵan.
Dúken basshylyǵy mundai jaǵdaidyń zańnamany bilmeýden jáne qyzmetkerlerdiń jetispeýshiliginen týyndaǵanyn túsindirgen.
Al zańǵa sáikes Qazaqstan Respýblikasynyń aýmaǵynda ishki jáne (nemese) syrtqy sórelerde qoiylǵan taýardyń baǵasy teńgemen kórsetilmei satylýy nemese baǵasynyń teńgeden basqa valiýtamen kórsetilýi aiyppulǵa ákep soǵady. Mólsheri mynadai:
- shaǵyn kásipkerlik sýbektilerine – 6 ailyq eseptik kórsetkish (AEK),
- orta kásipkerlik sýbektilerine – 10 AEK,
- iri kásipkerlik sýbektilerine – 30 AEK.
Bul jaǵdai qaitalanǵandyqtan, aiyppul kólemi ulǵaiyp, dúken iesine ÁQBtK-niń 193-baby 5-bóligine sáikes 200 AEK mólsherinde aiyppul salynǵan.
