ونلاين باسپاسٶز كونفەرەنتسيياسى بارىسىندا جازعى تۋريستٸك كەزەڭدە ٷرجار اۋدانىنىڭ كٶلٸك قاتىناسىن قالاي قامتاماسىز ەتەتٸنٸ بەلگٸلٸ بولدى.
ەستەرٸڭٸزگە سالا كەتەيٸك, 2017 جىلدان باستاپ «نۇرلى جول» ينفراقۇرىلىمدى دامىتۋ مەملەكەتتٸك باعدارلاماسى اياسىندا «تالدىقورعان – قالباتاۋ – ٶسكەمەن» اۆتوموبيل جولىن قايتا جاڭارتۋ جۇمىستارى جٷرگٸزٸلۋدە. شىعىس قازاقستان اۋماعى بويىنشا جولدىڭ ۇزىندىعى 454 شاقىرىمدى قۇرايدى. بٷگٸنگٸ تاڭدا جوبا بويىنشا جۇمىستاردىڭ 57 پايىزى ورىندالدى. ياعني, 257 شاقىرىم جولعا اسفالت تٶسەلدٸ. قالعان 43 پايىزدى 2021 جىلدىڭ سوڭىنا دەيٸن اياقتاۋ جوسپارلانىپ وتىر.
«قازاۆتوجول» ۇك» اق شىعىس قازاقستان فيليالى ديرەكتورىنىڭ ورىنباسارى اسىلبەك نۇعىمانوۆتىڭ ايتۋىنشا, «ٶسكەمەن – قالباتاۋ» ۋچاسكەسٸن اسفالتتاۋ بويىنشا جول تولىعىمەن قامتاماسىز ەتٸلگەن. بيىل نەگٸزگٸ جول-جٶندەۋ جۇمىستارى قالباتاۋدان اياكٶزگە دەيٸن جەنە ودان ەرٸ تاسكەسكەن بۇرىلىسىنا دەيٸن جٷرگٸزٸلەتٸن بولادى. «تاسكەسكەن – باقتى» اۆتوجولىن قايتا جاڭارتۋ جۇمىستارى جٷرگٸزٸلٸپ, شٸلدە ايىنا دەيٸن اياقتاۋ جوسپارلانۋدا.
– قايتا جاڭارتۋ جٷرگٸزٸلەتٸن ۋچاسكەلەردە ساپالى قوزعالىس ٷشٸن اينالما جولدارعا ەرەكشە كٶڭٸل بٶلٸنەدٸ. نەتيجەسٸندە «قالباتاۋ – اياگٶز» ۋچاسكەسٸندە ماۋسىم ايىندا اينالما جول بويىنشا قوزعالىس 55 شاقىرىم, «اياگٶز – تاسكەسكەن» ۋچاسكەسٸندە 56 شاقىرىمدى قۇرايدى, – دەدٸ اسىلبەك نۇعىمانوۆ.
ٷرجار ەۋەجايىنىڭ ۇشۋ-قونۋ جولاعى قايتا جاڭارتىلاتىندىقتان ۋاقىتشا جابىلدى. دەسە دە, حالىق اراسىندا كٶلٸك جەتٸسپەۋشٸلٸگٸنە بايلانىستى الاڭداۋشىلىق تۋىنداۋى مٷمكٸن بولعاندىقتان. نۇر-سۇلتان, الماتى, جالاڭاشكٶل ستانتسيياسىنا دەيٸن قاتىنايتىن تەمٸرجول ۆاگون سانىن سەگٸزدەن ونعا دەيٸن ارتتىرۋ جوسپارلانۋدا.
– 17 ماۋسىمنان باستاپ اپتاسىنا ٷش رەت «الماتى – دوستىق» قاتىناسىنداعى 10 ۆاگونى بار جاڭا جولاۋشىلار پويىزى جٷرە باستايدى. بۇل قوسىمشا 450 ورىندى قامتاماسىز ەتەدٸ. وبلىسٸشٸلٸك قاتىناستار بويىنشا ٶسكەمەن, سەمەي قالالارىنان جالاڭاشكٶل ستانتسيياسىنا ۆاگوندار سانى ەر باعىت بويىنشا بەستەن جەتٸگە دەيٸن ۇلعايتىلادى. ورىندار سانىن 270-تەن 416-عا دەيٸن ارتتىرۋعا مٷمكٸندٸك بەرەدٸ, – دەدٸ نۇرجان جۇمادٸلوۆ.
بۇدان بٶلەك, ٶسكەمەن مەن سەمەيدەن ٷرجار اۋىلىنا كٷن سايىن قاتىنايتىن اۆتوبۋستار سانىن ەكٸ ەسە, ياعني سەگٸزدەن 16-عا دەيٸن ارتتىرۋ مەسەلەسٸ پىسىقتالدى. سونىڭ ارقاسىندا تۋريستٸك ماۋسىمدا 35,7 مىڭ ەمەس, 71,4 مىڭعا دەيٸن جولاۋشىنى كٶلٸكپەن قامتي الامىز.
نۇرجان جۇمادٸلوۆ ٷرجار اۋىلىنداعى ەۋەجاي پايدالانۋعا بەرٸلگەننەن بەرٸ كٷردەلٸ جٶندەۋ جٷرگٸزٸلمەگەنٸن اتاپ ٶتتٸ. قايتا جاڭارتۋ جۇمىستارىن جٷرگٸزۋ مەرزٸمٸن كەيٸنگە قالدىرۋ ۇشۋ قاۋٸپسٸزدٸگٸنە كەرٸ ەسەر ەتۋٸ مٷمكٸن. بۇل رەتتە ەۋەجايدى جاڭارتقاننان كەيٸن ۇشاقتاردى تٷندە دە قابىلداۋ مٷمكٸندٸگٸنە يە بولادى. بۇل كەلەسٸ جاز مەزگٸلدەرٸندە الاكٶل كٶلٸنٸڭ جاعالاۋىنا تۋريستەر سانىن ارتتىرۋعا مٷمكٸندٸك بەرەدٸ. ەستەرٸڭٸزگە سالا كەتەيٸك, جوبانى جىل سوڭىنا دەيٸن اياقتاۋ جوسپارلانىپ وتىر.
