Onlain baspasóz konferentsiiasy barysynda jazǵy týristik kezeńde Úrjar aýdanynyń kólik qatynasyn qalai qamtamasyz etetini belgili boldy.
Esterińizge sala keteiik, 2017 jyldan bastap «Nurly jol» infraqurylymdy damytý memlekettik baǵdarlamasy aiasynda «Taldyqorǵan – Qalbataý – Óskemen» avtomobil jolyn qaita jańartý jumystary júrgizilýde. Shyǵys Qazaqstan aýmaǵy boiynsha joldyń uzyndyǵy 454 shaqyrymdy quraidy. Búgingi tańda joba boiynsha jumystardyń 57 paiyzy oryndaldy. Iaǵni, 257 shaqyrym jolǵa asfalt tóseldi. Qalǵan 43 paiyzdy 2021 jyldyń sońyna deiin aiaqtaý josparlanyp otyr.
«QazAvtoJol» UK» AQ Shyǵys Qazaqstan filialy direktorynyń orynbasary Asylbek Nuǵymanovtyń aitýynsha, «Óskemen – Qalbataý» ýchaskesin asfalttaý boiynsha jol tolyǵymen qamtamasyz etilgen. Biyl negizgi jol-jóndeý jumystary Qalbataýdan Aiakózge deiin jáne odan ári Taskesken burylysyna deiin júrgiziletin bolady. «Taskesken – Baqty» avtojolyn qaita jańartý jumystary júrgizilip, shilde aiyna deiin aiaqtaý josparlanýda.
– Qaita jańartý júrgiziletin ýchaskelerde sapaly qozǵalys úshin ainalma joldarǵa erekshe kóńil bólinedi. Nátijesinde «Qalbataý – Aiagóz» ýchaskesinde maýsym aiynda ainalma jol boiynsha qozǵalys 55 shaqyrym, «Aiagóz – Taskesken» ýchaskesinde 56 shaqyrymdy quraidy, – dedi Asylbek Nuǵymanov.
Úrjar áýejaiynyń ushý-qoný jolaǵy qaita jańartylatyndyqtan ýaqytsha jabyldy. Dese de, halyq arasynda kólik jetispeýshiligine bailanysty alańdaýshylyq týyndaýy múmkin bolǵandyqtan. Nur-Sultan, Almaty, Jalańashkól stantsiiasyna deiin qatynaityn temirjol vagon sanyn segizden onǵa deiin arttyrý josparlanýda.
– 17 maýsymnan bastap aptasyna úsh ret «Almaty – Dostyq» qatynasyndaǵy 10 vagony bar jańa jolaýshylar poiyzy júre bastaidy. Bul qosymsha 450 oryndy qamtamasyz etedi. Oblysishilik qatynastar boiynsha Óskemen, Semei qalalarynan Jalańashkól stantsiiasyna vagondar sany ár baǵyt boiynsha besten jetige deiin ulǵaitylady. Oryndar sanyn 270-ten 416-ǵa deiin arttyrýǵa múmkindik beredi, – dedi Nurjan Jumadilov.
Budan bólek, Óskemen men Semeiden Úrjar aýylyna kún saiyn qatynaityn avtobýstar sanyn eki ese, iaǵni segizden 16-ǵa deiin arttyrý máselesi pysyqtaldy. Sonyń arqasynda týristik maýsymda 35,7 myń emes, 71,4 myńǵa deiin jolaýshyny kólikpen qamti alamyz.
Nurjan Jumadilov Úrjar aýylyndaǵy áýejai paidalanýǵa berilgennen beri kúrdeli jóndeý júrgizilmegenin atap ótti. Qaita jańartý jumystaryn júrgizý merzimin keiinge qaldyrý ushý qaýipsizdigine keri áser etýi múmkin. Bul rette áýejaidy jańartqannan keiin ushaqtardy túnde de qabyldaý múmkindigine ie bolady. Bul kelesi jaz mezgilderinde Alakól kóliniń jaǵalaýyna týrister sanyn arttyrýǵa múmkindik beredi. Esterińizge sala keteiik, jobany jyl sońyna deiin aiaqtaý josparlanyp otyr.
