80 ناۋقاسقا جانە 20 كۇندىزگى ستاسيونارعا ارنالعان ورتالىقتا شقو جانە وڭتۇستىك كورەيانىڭ تەگۋ قالاسىنداعى كاتوليك ۋنيۆەرسيتى مەن ونسە قالاسىنداعى كانگنام سيەۆەرانس كلينيكاسى اراسىنداعى مەموراندۋم اياسىندا بىلىكتىلىكتەرىن ارتتىرىپ كەلگەن ماماندار قىزمەت اتقاراتىن بولادى.
– جاڭا ورتالىق نەگىزگى ءۇش باعىت: كارديولوگيالىق، نيەۆرولوگيالىق جانە ورتوپەديالىق باعىت بويىنشا ەم جۇرگىزەدى. ءبىزدىڭ ارىپتەستىگىمىز الداعى ۋاقىتتا مۇنىمەن توقتاپ قالمايدى، – دەدى وڭتۇستىك كورەيا كاتوليك ۋنيۆەرسيتەتى فيزيوتەراپيا سالاسىنىڭ پروفەسسورى كيم دجۋنگ حي.
وڭالتۋ ورتالىعىنىڭ كارديولوگى ساۋلە مامانبايەۆانىڭ ايتۋىنشا، ناۋقاستان حيرۋرگيالىق وتادان شىققان نەمەسە جۇرەك تالماسىنا، ينسۋلتكە ۇشىراعان ناۋقاستار كەلىپ، ەم-دوم الادى. ال ورتالىققا جولدامانى قالانىڭ ءاربىر مەديسينالىق مەكەمەلەرىنەن الۋعا بولادى.
بۇل كۇنى شقو-دا 9 الەۋمەتتىك نىسان، اتاپ ايتساق، كۇرشىم، ۇلان اۋداندارىندا دارىگەرلىك امبۋلاتوريا، زايسان اۋدانىندا مادەنيەت ءۇيى مەن دارىگەرلىك امبۋلاتوريا، كاتونقاراعاي اۋدانىندا دەنە شىنىقتىرۋ-ساۋىقتىرۋ كەشەنى مەن دارىگەرلىك امبۋلاتوريا، زىريان اۋدانىندا بالاباقشا جانە جارما اۋدانىندا جاڭا مەكتەپ اشىلدى.
