80 naýqasqa jáne 20 kúndizgi stasıonarǵa arnalǵan ortalyqta SHQO jáne Ońtústik Koreıanyń Tegý qalasyndaǵy katolık ýnıversıti men Ónse qalasyndaǵy Kangnam Severans klınıkasy arasyndaǵy memorandým aıasynda biliktilikterin arttyryp kelgen mamandar qyzmet atqaratyn bolady.
– Jańa ortalyq negizgi úsh baǵyt: kardıologıalyq, nevrologıalyq jáne ortopedıalyq baǵyt boıynsha em júrgizedi. Bizdiń áriptestigimiz aldaǵy ýaqytta munymen toqtap qalmaıdy, – dedi Ońtústik Koreıa katolık ýnıversıteti fızıoterapıa salasynyń profesory Kım Djýng Hı.
Ońaltý ortalyǵynyń kardıology Sáýle Mamanbaevanyń aıtýynsha, naýqastan hırýrgıalyq otadan shyqqan nemese júrek talmasyna, ınsýltke ushyraǵan naýqastar kelip, em-dom alady. Al ortalyqqa joldamany qalanyń árbir medısınalyq mekemelerinen alýǵa bolady.
Bul kúni SHQO-da 9 áleýmettik nysan, atap aıtsaq, Kúrshim, Ulan aýdandarynda dárigerlik ambýlatorıa, Zaısan aýdanynda Mádenıet úıi men dárigerlik ambýlatorıa, Katonqaraǵaı aýdanynda dene shynyqtyrý-saýyqtyrý kesheni men dárigerlik ambýlatorıa, Zyrán aýdanynda balabaqsha jáne Jarma aýdanynda jańa mektep ashyldy.
