بۇيرىق شەڭبەرىندە اكسيانى وتكىزۋ كەزىندە قۇقىق قورعاۋ، تابيعات قورعاۋ جانە وزگە دە ورگانداردىڭ ءوزارا ءىس-قيمىلى بويىنشا ۇيلەستىرۋ شتابىنىڭ قۇرامى، سونداي اق بىرلەسكەن ءىس-قيمىل جوسپارى بەكىتىلدى.
بيىل شىعىس قازاقستان وبلىسى اۋماعىندا اتالعان اكسيا ەكىنشى جىل وتكىزىلەدى. بۇل دالا بوكەندەرىنىڭ سانى ارتىپ، قاراعاندى جانە پاۆلودار وبلىستارىنىڭ شەكارالاس اۋداندارىنان وبلىس اۋماعىنا كىرىپ قانا قويماي، سوڭعى جىلدارى ونىڭ اياگوز اۋدانىنىڭ اۋماعىندا جانە سەمەي قالاسىنىڭ اكىمشىلىك جەرلەرىندە مەكەندەگەنى بايقالادى.
بۇگىنگى كۇنى شقو ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسى، شقو ىشكى ىستەر دەپارتامەنتى، «وحوتزووپروم» رمكك قىزمەتكەرلەرىمەن تابيعات قورعاۋ زاڭنامالارىن بۇزۋشىلىق فاكتىلەرىن انىقتاۋ جانە جولىن كەسۋ بويىنشا رەيدتىك ءىس-شارالاردى جۇزەگە اسىرۋ ءۇشىن موبيلدىك توپتار قۇرىلعان. اكسياعا جوعارىدا اتالعان ۇيىمداردىڭ ينسپەكتورلىق قۇرامى، وتىمدىلىگى جوعارى اۆتوكولىك، كۋنگ-تار، براكونەرلىك فاكتىلەرىنىڭ جولىن كەسۋ بويىنشا رەيدتىك ءىس-شارالاردى وتكىزۋ ءۇشىن قاجەتتى قۇرالدار تارتىلادى.
بۇگىنگى كۇنى ورمان شارۋاشىلىعى جانە جانۋارلار دۇنيەسى كوميتەتىنىڭ 2015 جىلعى 24 شىلدەدەگى № 190 بۇيرىعىمەن بەكىتىلگەن «جانۋارلار دۇنيەسى وبەكتىلەرىن، ولاردىڭ بولىكتەرى مەن دەريۆاتتارىن پايدالانۋعا شەكتەۋ مەن تىيىم سالۋدى ەنگىزۋ، ولاردى پايدالانۋ ورىندارى مەن مەرزىمدەرىن بەلگىلەۋ تۋرالى» 3 قوسىمشانىڭ 5 تارماعىنا سايكەس، عىلىمي ماقساتتاردا پايدالانۋدان باسقا، قازاقستان رەسپۋبليكاسىنىڭ بۇكىل اۋماعىندا كيىكتەردى، ولاردىڭ بولىكتەرى مەن دەريۆاتتارىن پايدالانۋعا 2023 جىلعا دەيىن تىيىم سالۋ ەنگىزىلگەن. كيىكتەردى زاڭسىز اۋلاعانى ءۇشىن، سونداي-اق ولاردىڭ بولىكتەرىن نەمەسە دەريۆاتتارىن زاڭسىز قولعا ءتۇسىرۋ، يەمدەنۋ، ساقتاۋ، وتكىزۋ، اكەلۋ، اكەتۋ، جونەلتۋ، تاسىمالداعانى ءۇشىن مۇلكى تاركىلەنە وتىرىپ، 3 جىلدان 12 جىلعا دەيىن باس بوستاندىعىنان ايىرۋ قىلمىستىق جاۋاپكەرشىلىككە تارتىلادى. سەركە كيىك ءۇشىن زالال 500 اەك، ۇرعاشى كيىك، كيىك ءتولى ءۇشىن 350 اەك قۇرايدى.