ShQO-da «Saiǵaq» keń aýqymdy tabiǵat qorǵaý aktsiiasy bastaldy
Buiryq sheńberinde aktsiiany ótkizý kezinde quqyq qorǵaý, tabiǵat qorǵaý jáne ózge de organdardyń ózara is-qimyly boiynsha úilestirý shtabynyń quramy, sondai aq birlesken is-qimyl jospary bekitildi.
Biyl Shyǵys Qazaqstan oblysy aýmaǵynda atalǵan aktsiia ekinshi jyl ótkiziledi. Bul dala bókenderiniń sany artyp, Qaraǵandy jáne Pavlodar oblystarynyń shekaralas aýdandarynan oblys aýmaǵyna kirip qana qoimai, sońǵy jyldary onyń Aiagóz aýdanynyń aýmaǵynda jáne Semei qalasynyń ákimshilik jerlerinde mekendegeni baiqalady.
Búgingi kúni ShQO orman sharýashylyǵy jáne janýarlar dúniesi aýmaqtyq inspektsiiasy, ShQO Ishki ister departamenti, «Ohotzooprom» RMKK qyzmetkerlerimen tabiǵat qorǵaý zańnamalaryn buzýshylyq faktilerin anyqtaý jáne jolyn kesý boiynsha reidtik is-sharalardy júzege asyrý úshin mobildik toptar qurylǵan. Aktsiiaǵa joǵaryda atalǵan uiymdardyń inspektorlyq quramy, ótimdiligi joǵary avtokólik, KÝNG-tar, brakonerlik faktileriniń jolyn kesý boiynsha reidtik is-sharalardy ótkizý úshin qajetti quraldar tartylady.
Búgingi kúni Orman sharýashylyǵy jáne janýarlar dúniesi komitetiniń 2015 jylǵy 24 shildedegi № 190 buiryǵymen bekitilgen «Janýarlar dúniesi obektilerin, olardyń bólikteri men derivattaryn paidalanýǵa shekteý men tyiym salýdy engizý, olardy paidalaný oryndary men merzimderin belgileý týraly» 3 qosymshanyń 5 tarmaǵyna sáikes, ǵylymi maqsattarda paidalanýdan basqa, Qazaqstan Respýblikasynyń búkil aýmaǵynda kiikterdi, olardyń bólikteri men derivattaryn paidalanýǵa 2023 jylǵa deiin tyiym salý engizilgen. Kiikterdi zańsyz aýlaǵany úshin, sondai-aq olardyń bólikterin nemese derivattaryn zańsyz qolǵa túsirý, iemdený, saqtaý, ótkizý, ákelý, áketý, jóneltý, tasymaldaǵany úshin múlki tárkilene otyryp, 3 jyldan 12 jylǵa deiin bas bostandyǵynan aiyrý qylmystyq jaýapkershilikke tartylady. Serke kiik úshin zalal 500 AEK, urǵashy kiik, kiik tóli úshin 350 AEK quraidy.
