شىعىس قازاقستان وبلىسىنىڭ ءبىر اۋدانىندا باعالى پايدالى قازبالاردى زاڭسىز ءوندىردى دەگەن كۇدىكپەن التى ادام ۇستالدى. بۇل تۋرالى ق ر ىشكى ىستەر مينيسترلىگىنىڭ رەسمي ينتەرنەت-رەسۋرسى مالىمدەدى، دەپ حابارلايدى Dalanews.kz.
“شقو پوليسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى ايماق اۋماعىندا قىمبات مەتالداردى زاڭسىز ءوندىرىپ كەلگەن ءبىر توپ ادامدى انىقتادى”، – دەلىنگەن حابارلامادا.
كۇدىكتىلەردىڭ ارەكەتى اۋەدەن تۇسىرىلگەن بەينەجازبالار ارقىلى اشكەرەلەنگەن.
تەرگەۋ شارالارى اياسىندا ەكسكاۆاتور، ءۇش مەتالل ىزدەگىش قۇرىلعى، ەكى اۆتوكولىك جانە توپىراق ۇلگىلەرى تاركىلەندى.
اتالعان دەرەك بويىنشا سوتقا دەيىنگى تەرگەۋ باستالدى. جەر قويناۋىن پايدالانۋعا كەلتىرىلگەن زالالدى انىقتاۋ ءۇشىن ساراپتاما تاعايىندالعان.
