شقو-دا كوپبالالى وتباسىلار ءۇشىن وقۋشىلاردى فورمامەن، اياق كيىممەن جانە تاماقپەن قامتاماسىز ەتۋ قاراستىرىلعان. بالالاردىڭ اتا-انالارى بالباقشالارعا اقى تولەۋدەن بوساتىلعان. تجكب ستۋدەنتتەرى تەگىن تاماقپەن جانە جاتاقحانامەن قامتاماسىز ەتىلگەنىن شقو اكىمى دانيال احمەتوۆ حالىقپەن ەسەپتى كەزدەسۋىندە ايتتى، – دەپ حابارلايدى Dalanews.kz  شقو اكىمىنىڭ باسپا ءسوز قىزمەتىنە سىلتەمە جاساپ.

ايتا كەتۋ كەرەك، 2017 جىلى تۇرعىن ءۇي الۋ كەزەگىندە تىركەلگەن كوپبالالى وتباسىلاردىڭ سانى بەس ەسەگە وسكەن بولاتىن. ءتورت جىل ىشىندە اۋىلدىق جەرلەردە تۇراتىن 1625 كوپبالالى وتباسى باسپانالى بولدى. وتكەن جىلى 1049 وتباسى، ونىڭ ىشىندە اۋىلداعى 336 وتباسى قونىس تويىن تويلاعان.

بيىل وبلىس اۋداندارىندا جەكە ينۆەستورلاردى تارتا وتىرىپ، جالپى اۋدانى 36 مىڭ شارشى مەتر بولاتىن 191 ەكىپاتەرلى تۇرعىن ءۇي سالۋ جوسپارلانۋدا.