سونىمەن بيىل شقو-دا 639،6 مىڭ گەكتار جەرگە ەگىلگەن ەگىنىن ەڭبەك ادامدارى شاشپاي-توكپەي جيناپ العانى ءمالىم بولدى. ەگىنجايلاردىڭ 284،7 مىڭ گەكتارىن ءداندى-داقىلدار مەن بۇرشاق قۇراسا، 209،4 مىڭ گەكتارعا مايلى داقىلدار، 11،63 مىڭ گەكتارعا كارتوپ، 4،5 مىڭ گەكتاردان وزگە دە كوكونىستەر جينالىپ الىنعان.
اعىمداعى جىلى ەگىن جيناۋ جۇمىستارىن تابىستى جۇرگىزۋ ءۇشىن ق ر ەنەرگەتيكا مينيسترلىگى وبلىس شارۋاشىلىقتارى ءۇشىن 17،8 مىڭ توننا ديزەل وتىنىن بولگەنىن دە ايتا كەتۋىمىز كەرەك. بۇدان باسقا كۇنباعىس تۇقىمىن كەپتىرۋگە قوسىمشا تاعى 3،2 مىڭ توننا ديزەل وتىنى بولىنگەن
ال توپىراق قۇنارلىعىن ارتتىرۋ ماقساتىندا وبلىس شارۋاشىلىقتارى مينەرالدى تىڭايتقىشتاردىڭ بارلىق تۇرىنەن 26 مىڭ توننا ساتىپ العانىن ديليارا جىلقايداروۆا العا تارتتى.
– بيىل وبلىس اگرارييلەرى ءداندى، ءداندى-بۇرشاقتى داقىلدار مەن كارتوپتىڭ تۇقىمىمەن تولىق قامتاماسىز ەتىلدى. جىل سايىن مايلى جانە جەم-شوپ داقىلدارى بويىنشا ازداعان جەتىسپەۋشىلىكتىڭ ورىن الۋىنا بايلانىستى، وزگە وبلىستاردان تۇقىمدار الدىردىق. اعىمداعى جىلى شقو اۋىل شارۋاشىلىعى باسقارماسى تۇقىم شارۋاشىلىعىن قولداۋ اياسىندا 1 ملن تەڭگەدەن استام سوماعا 4،5 مىڭ توننا تۇقىمدى جانە پەستيسيدتەردىڭ قۇنىن ارزانداتۋعا 1018 ملن تەڭگەنى قۇرايتىن سۋبسيديا ءبولدى، – دەدى سپيكەر.
سونىمەن قاتار جيىن-تەرىننەن كەيىن اۋىل شارۋاشىلىق ونىمدەرى ىسىراپ بولماسى ءۇشىن، جاڭا داقىلدى باستاپقى وڭدەۋ جانە ساقتاۋ ءۇشىن شارۋالار وبلىس اۋماعىنداعى 209 مەحانيكالاندىرىلعان توكتار مەن 5 ليسەنزيالانعان ەليەۆاتورلارعا ورنالستىرعان.
قولدانىستاعى ەليەۆاتورلار، استىق قابىلداۋ ورىندارى جانە شارۋالاردىڭ جەكە مەنشىك قويمالارىندا 1 ميلليون تونناعا جۋىق استىق ساقتاۋعا مۇمكىندىك بەرەدى.
جالپى العاندا، ماتەريالدىق-تەحنيكالىق قۇرالدار مەن تەحنيكانىڭ قاجەتتى مولشەرىنىڭ بولۋى ءوڭىردىڭ اگروقۇرىلىمدارىنا ەگىن جيناۋ جۇمىستارىن وڭتايلى مەرزىمدە جۇرگىزۋگە مۇمكىندىك بەرگەن.
