Sonymen bıyl SHQO-da 639,6 myń gektar jerge egilgen eginin eńbek adamdary shashpaı-tókpeı jınap alǵany málim boldy. Eginjaılardyń 284,7 myń gektaryn dándi-daqyldar men burshaq qurasa, 209,4 myń gektarǵa maıly daqyldar, 11,63 myń gektarǵa kartop, 4,5 myń gektardan ózge de kókónister jınalyp alynǵan.
Aǵymdaǵy jyly egin jınaý jumystaryn tabysty júrgizý úshin QR Energetıka mınıstrligi oblys sharýashylyqtary úshin 17,8 myń tonna dızel otynyn bólgenin de aıta ketýimiz kerek. Budan basqa kúnbaǵys tuqymyn keptirýge qosymsha taǵy 3,2 myń tonna dızel otyny bólingen
Al topyraq qunarlyǵyn arttyrý maqsatynda oblys sharýashylyqtary mıneraldy tyńaıtqyshtardyń barlyq túrinen 26 myń tonna satyp alǵanyn Dılára Jylqaıdarova alǵa tartty.
– Bıyl oblys agrarııleri dándi, dándi-burshaqty daqyldar men kartoptyń tuqymymen tolyq qamtamasyz etildi. Jyl saıyn maıly jáne jem-shóp daqyldary boıynsha azdaǵan jetispeýshiliktiń oryn alýyna baılanysty, ózge oblystardan tuqymdar aldyrdyq. Aǵymdaǵy jyly SHQO aýyl sharýashylyǵy basqarmasy tuqym sharýashylyǵyn qoldaý aıasynda 1 mln teńgeden astam somaǵa 4,5 myń tonna tuqymdy jáne pestısıdterdiń qunyn arzandatýǵa 1018 mln teńgeni quraıtyn sýbsıdıa bóldi, – dedi spıker.
Sonymen qatar jıyn-terinnen keıin aýyl sharýashylyq ónimderi ysyrap bolmasy úshin, jańa daqyldy bastapqy óńdeý jáne saqtaý úshin sharýalar oblys aýmaǵyndaǵy 209 mehanıkalandyrylǵan toktar men 5 lısenzıalanǵan elevatorlarǵa ornalstyrǵan.
Qoldanystaǵy elevatorlar, astyq qabyldaý oryndary jáne sharýalardyń jeke menshik qoımalarynda 1 mıllıon tonnaǵa jýyq astyq saqtaýǵa múmkindik beredi.
Jalpy alǵanda, materıaldyq-tehnıkalyq quraldar men tehnıkanyń qajetti mólsheriniń bolýy óńirdiń agroqurylymdaryna egin jınaý jumystaryn ońtaıly merzimde júrgizýge múmkindik bergen.
