Sonymen biyl ShQO-da 639,6 myń gektar jerge egilgen eginin eńbek adamdary shashpai-tókpei jinap alǵany málim boldy. Eginjailardyń 284,7 myń gektaryn dándi-daqyldar men burshaq qurasa, 209,4 myń gektarǵa maily daqyldar, 11,63 myń gektarǵa kartop, 4,5 myń gektardan ózge de kókónister jinalyp alynǵan.
Aǵymdaǵy jyly egin jinaý jumystaryn tabysty júrgizý úshin QR Energetika ministrligi oblys sharýashylyqtary úshin 17,8 myń tonna dizel otynyn bólgenin de aita ketýimiz kerek. Budan basqa kúnbaǵys tuqymyn keptirýge qosymsha taǵy 3,2 myń tonna dizel otyny bólingen
Al topyraq qunarlyǵyn arttyrý maqsatynda oblys sharýashylyqtary mineraldy tyńaitqyshtardyń barlyq túrinen 26 myń tonna satyp alǵanyn Diliara Jylqaidarova alǵa tartty.
Sonymen qatar jiyn-terinnen keiin aýyl sharýashylyq ónimderi ysyrap bolmasy úshin, jańa daqyldy bastapqy óńdeý jáne saqtaý úshin sharýalar oblys aýmaǵyndaǵy 209 mehanikalandyrylǵan toktar men 5 litsenziialanǵan elevatorlarǵa ornalstyrǵan.
Qoldanystaǵy elevatorlar, astyq qabyldaý oryndary jáne sharýalardyń jeke menshik qoimalarynda 1 million tonnaǵa jýyq astyq saqtaýǵa múmkindik beredi.
Jalpy alǵanda, materialdyq-tehnikalyq quraldar men tehnikanyń qajetti mólsheriniń bolýy óńirdiń agroqurylymdaryna egin jinaý jumystaryn ońtaily merzimde júrgizýge múmkindik bergen.
