وسكەمەندەگى رەسپۋبليكا الاڭىندا جۇمىسشى ماماندىقتار جىلى اياسىندا اۋقىمدى «شىعىس مامانى» بوس جۇمىس ورىندارى جارمەڭكەسى ۇيىمداستىرىلدى. وعان 2 مىڭنان استام جوعارى وقۋ ورىندارى مەن كوللەدج تۇلەكتەرى، ستۋدەنتتەر قاتىستى، دەپ حابارلايدى Dalanews.kz
جارمەڭكەگە 113 جۇمىس بەرۋشى كەلدى، ونىڭ ىشىندە 2000-نان استام جۇمىس ورنىن ۇسىنعان ءىرى كاسىپورىن وكىلدەرى دە بار.
شارا ۇيىمداستىرۋشىسى – شقو جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسى مەن ەڭبەك موبيلدىلىگى ورتالىعى.
"كەڭەس بەرۋ الاڭدارىندا قىزمەتكەرلەرىمىز سۋبسيديالاناتىن جۇمىس ورىندارى، «العاشقى جۇمىس ورنى»، «جاستار ىس-تاجىريبەسى»، «ديپلوممەن اۋىلعا» جوبالارى جايلى ءتۇسىندىردى. ءتۇرلى كومپانيالار 2000-نان استام بوس جۇمىس ورىندارىن ۇسىندى"، - دەدى ەڭبەك موبيلدىلىگى ورتالىعىنىڭ ديرەكتورى ارايلىم ەسىمبەكوۆا.
جارمەڭكەگە جۇمىس ىزدەپ كەلگەن تۇلەكتەردىڭ كوبى جۇمىسقا تۇرۋ ءۇشىن ىس-تاجىريبەدەن وتۋگە، ينتەرۆيۋ-اڭگىمەگە شاقىرىلدى، كەيبىرەۋلەر بىردەن جۇمىس تاپتى.
