جىلىتۋ ماۋسىمى باستالعاننان بەرى تۇرعىن ءۇي سەكتورىندا ءورت سانى وتكەن جىلدىڭ سايكەس كەزەڭىمەن سالىستىرعاندا 24 %-عا قىسقارعانىن حابارلادى. ءورت سالدارىنان 22 ادام قازا تاپتى، بۇل وتكەن جىلىتۋ ماۋسىمىنا قاراعاندا 38% - عا از.
قايعىلى جاعدايعا دۋشار ەتكەن سەبەپتەردىڭ ءبىرى وتتى ابايسىز قولدانۋ، ونىڭ ىشىندە ماس كۇيىندە تەمەكى شەگۋ سالدارىنان ورىن الدى.
سوڭعى ۋاقىتتا جازعى كوتتەدجدەر مەن باۋ-باقشا قاۋىمداستىقتارىنىڭ اۋماعىندا ءورت، كومىرتەگى توتىعىمەن ۋلانۋ ءجيى ورىن الۋدا.
ازاماتتار ساياجاي ۇيلەرىن ءورت قاۋىپسىزدىگى نورمالارىن، تالاپتارىن ساقتاماي، قىسقى تۇرۋ نۇسقاسى ءۇشىن قايتا جابدىقتايدى، بۇل كەيىننەن جازاتايىم وقيعالارعا اكەپ سوعىپ جاتادى.
سونداي-اق، تۇرعىن ءۇي سەكتورىندا تىركەلگەن ورتتەردىڭ جالپى سانىنىڭ 6%-ى جىلىتۋ كەزەڭىنىڭ باسىنان باستاپ ساياجايلارعا تيەسىلى.
– ورتتەردىڭ ءجيى كەزدەسەتىن سەبەپتەرىنىڭ ءبىرى وتتى ابايسىز قولدانۋ، بۇدان ءارى ەلەكتر جەلىلەرىن، ەلەكتر جابدىقتارىن پايدالانۋ كەزىندە، سونداي-اق پەش جابدىقتارىن پايدالانۋ كەزىندە ءورت قاۋىپسىزدىگى تالاپتارىن ساقتاماۋ بولىپ قالا بەرەدى. ءورت قاۋىپسىزدىگىن قامتاماسىز ەتۋ ءۇشىن ازاماتتىق قورعاۋ قىزمەتكەرلەرى كۇن سايىن بۇكىل جىلىتۋ كەزەڭى ىشىندە تۇرعىن ءۇي سەكتورى بويىنشا اۋلالاردى ارالايدى. بۇگىنگى كۇنى جىلىتۋ ماۋسىمى باستالعاننان بەرى 694 000 تۇرعىندى قامتي وتىرىپ، 439 000-نان استام ءۇي اۋلالاردى ارالاۋمەن قامتىلدى. 101 593 ۇيدە ءورت قاۋىپسىزدىگى ەرەجەلەرىن بۇزۋ فاكتىلەرىن انىقتادى، – دەيدى نۇرجان ءومىرجانوۆ.
حالىقتىڭ الەۋمەتتىك وسال توپتارىنا جاتاتىن ادامداردا نازاردان تىس قالمادى. كوپ بالالى، از قامتىلعان وتباسىلار، اتاۋلى الەۋمەتتىك كومەككە مۇقتاج جالعىز باستى قارت جانداردىڭ پەشتەرىن جانە ۇيلەردىڭ ىشكى جاعدايىن تەكسەرۋ بارىسىندا ازاماتتىق قورعاۋ قىزمەتكەرلەرى ءورت قاۋىپسىزدىگى تالاپتارىن ساقتاماعان جايتتاردى انىقتادى.
اتاپ ايتقاندا، پەشتەردى، ەلەكتر سىمدارىن، تۇرمىستىق ەلەكتر اسپاپتارىن پايدالانۋعا، ەۆاكۋاسيالاۋ جولدارىنا، ورتكە قارسى ارالىقتاردىڭ بولماۋ فاكتىلەرى تىركەلدى.
– قازىرگى ۋاقىتتا حالىقتىڭ الەۋمەتتىك وسال توپتارى تۇراتىن ۇيلەردى قايتا ارالاۋ اياقتالدى. قۇىق بۇزۋشىلىقتار بارلىق جەردە جويىلمايدى، ازاماتتار ءورت قاۋىپسىزدىگى تالاپتارى بۇزىلعان ۇيلەردى پايدالانۋدى جالعاستىرۋدا. جويىلماۋدىڭ سەبەبى – ءومىر ءسۇرۋدىڭ الەۋمەتتىك دەڭگەيىنىڭ تومەندىگى، قاراجاتتىڭ جوقتىعى، پەشتى كۇردەلى جوندەۋ جانە ەلەكتر سىمدارىن اۋىستىرۋ. الايدا، ءۇي-ۇيدى ارالاۋدىڭ باستاپقى كەزەڭىندە بۇزۋشىلىقتار انىقتالعان 3965 ءۇيدىڭ 1672ء-سى، دالىرەك ايتقاندا، ولاردىڭ يەلەرى بۇزۋشىلىقتاردى جويدى، ال قالعان ءۇي يەلەرى ءورت قاۋىپسىزدىگى تالاپتارىن ءالى ساقتاماي وتىر، – دەيدى شقو تجد مەملەكەتتىك ءورت باقىلاۋ باسقارماسى باستىعىنىڭ ورىنباسارى نۇرجان ءومىرجانوۆ.
سونىمەن قاتار، ازاماتتىق قورعاۋ ورگاندارىنىڭ قىزمەتكەرلەرى مەموراندۋم اياسىندا «قازمىرىشكوم» ج ش س بەرگەن ۋلى گاز داچيكتەرىن ورناتۋدى اياقتادى. بۇگىنگى كۇنى كوپ بالالى جانە از قامتىلعان وتباسىلار تۇراتىن پەشپەن جىلىتىلاتىن ۇيلەردە 1813 ۋلى گاز جانە ءتۇتىن داچيكتەرىن مونتاجداۋ جۇرگىزىلدى.
سوڭعى 5 جىلدا شقو تجد قىزمەتكەرلەرى شقو-نىڭ 19 قالاسى مەن اۋداندارىندا 13 000-نان استام قۇرىلعىلاردى ورناتىپتى.
الداعى ۋاقىتتا دا تجد ماماندارى تاراپىنان، ءورت قاۋىپسىزدىگى ەرەجەلەرىن ساقتاۋ بويىنشا تۇرعىندارمەن كەزدەسىپ، سونىڭ ىشىندە ەلەكتر جانە گاز باللون جابدىقتارىن، پەشتى جانە گاز پەشتەرىن ورناتۋ، قولدانۋ تۋرالى ءورت قاۋىپسىزدىگى بويىنشا ناسيحات جۇمىستارى جالعاسىن تابا بەرمەك.
