كانديداتتار 19-شى شاعىن اۋداندا تۇراتىن كوپبالالى وتباسىنا بارىپ، پارتيالىق باعدارلامانىڭ الەۋمەتتىك قورعاۋعا قاتىستى باسىمدىقتارى تۋرالى ايتتى.
– قيىن جاعدايعا تاپ بولعان ءار وتباسى مەملەكەتتىڭ قامقورلىعىن سەزىنۋگە ءتيىس. الەۋمەتتىك قولداۋ شارالارى بەلسەندى تۇردە جۇرگىزىلىپ، ناقتى قاجەتتىلىككە باعىتتالۋى كەرەك. ءبىز ءومىر ءسۇرۋ قۇندىلىقتارىنا سۇيەنە وتىرىپ، تابىسى تومەن ازاماتتاردى مەملەكەتتىڭ كەپىلدەندىرىلگەن قولداۋىمەن قامتاماسىز ەتەمىز. كوپبالالى جانە تولىق ەمەس وتباسىلار، مۇگەدەكتىگى بار ادامدار ءۇشىن مەملەكەتتىك جانە پارتيالىق قولداۋ شارالارى كەڭەيتىلەتىن بولادى، – دەدى كانديدات فارحاد قۇرمانوۆ.
وسى ورايدا ايتا كەتەيىك، پارتيالىق باعدارلاماعا سايكەس كوپبالالى وتباسىلاردى جانە حالىقتىڭ الەۋمەتتىك وسال توپتارىن تۇرعىن ۇيمەن قامتاماسىز ەتۋ ماقساتىندا «ءبىر قاباتتى شىعىس» وڭىرلىك جوباسى اياسىندا وسكەمەن قالاسىنىڭ تۇرعىن اۋداندارىندا ءبىر قاباتتى ۇيلەر سالۋ جوسپارلانعان.
ءىس-شارا سوڭىندا، اماناتتىقتار، كوپبالالى وتباسىنىڭ وتىنىش-تىلەكتەرىن تىڭداپ، نازارعا الاتىندىقتارىن جەتكىزدى.
